DonBelle, may hih finale concert
Laging trending ang tambalan nina Donny Pangilinan at Belle Mariano.
Ang lakas ng loveteam nila.
Ito ay dahil inaabangan na ang finale episode sa iWantTFC sa Wednesday, Aug. 3, ng He’s Into Her Season 2.
Matapos ang nag-uumapaw na kilig linggo-linggo bilang ang most streamed original series sa iWantTFC at most watched weekend program sa Kapamilya Online Live, inaabangan na ng fans kung ano ang magiging ending ng love story nina Deib at Max.
At ngayon naman ay pinaghahandaan na ng serye ang inaabangang HIH: All-Access finale concert sa Agosto 27 sa Araneta Coliseum, kung saan sold out agad ang VVIP at VIP tickets wala pang isang oras mula nang inilabas ito.
Sa kasalukuyang takbo ng kwento sa serye, simula nang mag-cool off sina Max at Deib ay dumagdag ang komplikasyon sa kani-kanilang buhay. Bagama’t napatunayan na nilang hindi si Boyet (Janus del Prado) ang suspek sa pagkakabaril sa kapatid ni Deib na si Dale (Turs Daza) ay minabuti ng dalawa na hindi muna magkabalikan.
Mapapanood nang libre ang finale ng He’s Into Her season 2 sa Agosto 3 (Miyerkules) ng 8 p.m. sa iWantTFC app (iOs at Android) o website (iwanttfc.com).
- Latest