Dancing Kween

Dako ang pasalamat ni Maja Salvador sa Eat Bulaga nga nahatagan siya og dance segment sa nahisgutang noontime show. Bag-ohay lamang gipahigayon ang finals sa Dancing Kween dance search diin si Maja maoy host, hinungdan nga nag-awas matud pa ang iyang kalipay ug pasalamat. “Punong puno ng saya ang puso ko, mga Dabarkads. Again maraming salamat @eatbulaga79 sa pagbibigay sa akin ng isang magandang segment na nagbibigay inspirasyon at pagkakataon sa lahat ng may mga pangarap.” Caption ni Maja sa iyang hulagway nga gi-upload sa Instagram.

Wala magbasul

Walay pagbasul si Jake Cuenca sa nahitabo sa iyang mga relasyon. Si Jake maoy guest sa latest vlog ni Charlie Dizon. Nagkauban ang duruha sa ABS-CBN series nga Viral Scandal niining bag-o lang. Matud ni Jake, siya matud pa ang matang sa hinigugma nga ihatag niya ang tanan aron kun mapakyas o molampos man ang relasyon, wala siyay pagabasulan. “Siguro at this point in my life, I’m 34 [and] at my most mature point in my life. I wouldn’t do things differently, ganun talaga ako magmahal eh. I give everything and in the end if it doesn’t work out or if it works out, at least you gave it your best.” Bag-o lang nagbulag si Jake ug Kylie Versoza human sa dul-an tulo ka tuig nga relasyon.

Valedictorian uy

Gikataw-an na lang ni Rufa Mae Quinto ang nikatap nga hulagway diin nag-toga siya ug may caption isip honor student. Suma pa niya, ang hulagway ra ang joke kay gi-photoshop ra kini, pero tinuod nga honor student siya niadtong high school siya. “Back to school na naman guysh. Yes! Cum laude daw. Katuwa naman. Go go gold medalist your honor like honor student. To be honest, itong toga lang po ang joke,” bukas niya sa iyang post. Kay niya pa, “Actually I’m an honor student in high school. Hinde po joke y’un. Totoong First honor po ako sa St. Vincent school. Thanks school for giving me the medal. Go go gold! Todo na to!”

Dili pa isulti

Dili Kapuso star ang umaabot nga leading man ni Sanya Lopez alang sa iyang umaabot nga project sa GMA7 human sa First Lady. “Collab” ang iyang gihisgutan, nga nagpasabot nga dili kinahanglan nga mobalhin og network ang maong leading man, kundili magtambayayong lamang ang duha ka mga kampo paghimo og usa ka proyekto. Si Sanya nga nahinabi sa PEP Troika, nagdumili pagdetalye kinsay iyang gipasabot kay dili pa pwede. Basta kay sunod bulan na matud pa himuon ang maong project.