Liza, umaming tinututukan ni James ang kanyang career
Simula ngayong buwan ng Hunyo ay si James Reid na ang tumatayong talent manager ni Liza Soberano. Matatandaang nasa pangangalaga ni Ogie Diaz ang aktres sa nakalipas na labing-isang taon.
Halos hindi pa raw makapaniwala si Liza na si James na ang namamahala sa kanyang iba’t ibang proyekto ngayon. “Actually, before this, we were more like acquaintances than friends. He was best friend with Quen (Enrique Gil) for the longest time. But during the pandemic, we weren’t seeing each other anymore or anything. So we kind of lost communication. It’s weird because he’s my contemporary. I always saw him as a co-actor or co-artist of some sort. So whenever we work together, it’s like I didn’t take him too seriously but honestly he has a lot to offer,” kwento ni Liza.
Ayon sa aktres ay talagang tutok ngayon sa kanyang career si James. Naniniwala rin si Liza na malaki ang maitutulong ng aktor upang abutin ang kanyang mga pinapangarap gawin. “He’s very smart. He goes through all my contracts and really guides me on how to go through them which I was very surprised to find out about him. He has a great perspective on how to like go about things, where to check my career and everything. So I respect him for doing the research and everything. We’re trying to understand what it is that I’m on and how I want to express it,” paglalahad ng dalaga.
Bukod sa pag-arte ay sasabak na rin si Liza sa pagkanta. Nakatakdang gumawa ng proyekto ang dalaga sa ilalim ng Careless Music na pag-aari rin ni James. “He’s just very supportive of the way I want it to be because that’s what Careless is all about. Giving the artist the creative freedom to take control of their own careers and do things the way they want,” pagtatapos ng aktres.
Juday, naloka nang bumalik sa telebisyon
Nanibago si Judy Ann Santos bilang pinakabagong co-host ng Magandang Buhay. Mainit na pagsalubong ang ginawa nina Jolina Magdangal at Melai Cantiveros sa naturang morning show noong Martes. “Nakakaloka, first live show ko ito, kinakabahan ako. Pasensya na parang gusto kong mag-wish kasi first time ko ulit na magka-live show. Nakakaloka ito,” nakangiting bungad ni Judy Ann.
Matatandaang huling naging programa ng aktres sa telebisyon ang Paano Kita Mapasasalamatan na nagtapos noong isang taon. Malaki ang pasasalamat ni Juday dahil muli siyang pinagkatiwalaan ng Kapamilya network. “It’s been one year na lumabas ako sa telebisyon. It’s always a good feeling to be back especially here at the ABS-CBN compound. Napaka-familiar ng pakiramdam na makita ko kayong lahat ulit, familiar faces. Thank you very much for this opportunity dahil talaga namang happyng-happy ang puso ko,” pagbabahagi ng aktres.
(Reports from JCC)
- Latest