Paukyab o tinuod na?

CEBU, Philippines — Gi-unfollow nila ni Jeric Gonzales ug Rabiya Mateo ang usag-usa sa Instagram kagahapon. Gi-delete sab sa kanhi beauty queen ang mga hulagway nila ni Jeric gikan sa iyang IG account. Apan sa habig sa actor makita pa ang ilang mga litrato. Pangutana karon sa mga marites: hingpit na ba gyud sila nga nagbuwag, human sa kanunay nga intriga nga natapos na ang ilang relasyon? Kun yes ang tubag, tulo ka bulan ra ang ilang relasyon.

One year na

Usa ka tuig na ang relasyon nila ni Miles Ocampo ug Elijah Canlas. Apan nagdumili sila pagbutyag kanus-a  ang ilang anniversary. Giklaro hinuon nila nga nagkauyab sila human sa ilang TV5 project nga Paano Na Ang Pangako?, nga nagsugod niadtong November 2020 hangtud sa April 2021. Magka loveteam silang duha sa maong istorya, apan wala matud pa silay tagdanay human og singgit sa director og “cut’. Human sa maong proyekto pa sila nagsugod og istorya hangtud nga nagkasuod sila og maayo ug nagkasinabot. Matud ni Miles managsama sila ni Elijah nga “old souls”, diin nanguyab ang actor niya pinaagi sa pagpadala og love letters ug pagpamisita gyud sa ilaha hinungdan nga nahugyaw ang iyang kasingkasing sa hilabihan.

Ngano? Ngano? Ngano?

Pabilin nga pangutana unsa gyuy rason nga nagbulag sila si Carla Abellana ug Tom Rodriguez, tulo ka bulan lamang human ang ilang kasal. Sa official statement ni Tom, nahisgutan niya nga nailad siya sa iyang usa ka higala nga gisaligan niya, ug nawad-an siya’g dakong kantidad sa salapi. Ang  pangutana karon sa mga marites: tinuod ba nga P20 million ang giingong kwarta nga nawala kang Tom? Ug ang laing bug-at pa nga pangutana: Kun niingon si Carla nga pito ka tuig siya nga nag-antos, nganong nagpakasal pa man gyud siya kang Tom niadtong Oktubre? Matud sa mga himantayon, taas nga panahon pa ang latason una posibli nga matubag ang maong mga pangutana sanglit wala nay mga pamahayag pa nga giluwatan ang masig ka kampo ug daw buot na nilang magpakahilom human napadayag ni Carla ang iyang habig, ug diin gibutyag sab ni Tom nga buwag na gyud sila pinaagi sa divorce decree nga iyang giduso didto sa Amerika nga may pinal na nga hukom.

Ipa-abort diay unta...

Sa labing unang higayon, giangkon sa kanhi child actor nga si Bugoy Carino nga niabot sa punto nga nakahunahuna sila sa iyang hinigugma nga si EJ Laure nga ipakuha ang gisabak niini tulo ka tuig na ang nilabay.

Ang maong rebelasyon, giluwatan sa karon 19-anyos na nga si Bugoy ngadto sa broadcast-journalist nga si Karen Davila pinaagi sa vlog niini nga gisalida sa nilabay nga adlaw. Niadtong tungora, 16-anyos lamang si Bugoy, ug padung na mosikat og maayo, diin gi-repackage siya sa ABS-CBN ngadto na sa pagka heartthrob ug gipasulod sa It’’s Showtime isip sakop sa all-male group nga Hashtags.

Niadtong nagsabak si EJ, usa sab siya sa mga sikat nga volleyball players sa UAAP isip sakop sa UST Tigresses. Niadtong tungora, 21-anyos na siya. Wala siya nisalmot sa UAAP Season 82 niadtong 2017 gumikan matud pa sa “chronic shoulder injury.”

Niadtong tungora sab nibuto ang istorya nga gipapha si Bugoy isip sakop sa Hashtag kay matud pa napamabdosan niini ang uyab niya nga si EJ. Gililong nila sa publiko ang pagsabak ni EJ. Niadtong September 3, 2020 pa sila niangkon nga mga ginikanan na sila sa ilang anak nga si Scarlet Carino. Nagsaulog sa iyang 18th birthday si Bugoy sa maong petsa.

Sa interview niya sa Karen Davila Vlog, giangkon sa actor nga tanang tawo, naglagot gyud niya. Ang iyang pamilya napungot niya kay bata pa kaayo siya. Wala sab sila tinggi sa pamilya ni EJ gumikan sa nahitabo.

Nawagtang ang tanan nga mga gilinya unta nga iyang buhaton aron hingpit na siya nga mosulbong sa showbiz.

Dinhi namugna ang hukom nga ipakuha nila ang bata tungod ug alang sa iyang showbiz career.

“Ito po, sasabihin ko na po talaga, una po talaga, ang desisyon namin is ipalaglag na lang yung baby. Okay, sabi ko, kasi bata pa po ako noon, e. Hindi ko po alam na parang buhay pala yung mawawala kapag ipinalaglag mo or something.”

“Sabi ko sa sarili ko, sige, para lang mabalik yung career ko. Alang-alang na lang siyempre sa family ko, para makatulong ako nang sobra and para maibalik yung mga shows na ibinigay sa akin, yung tiwala sa akin ng ABS, maibalik sa akin, sige ipalaglag na lang.”

Nalamdagan   

Suma pa niya, mga semana gyud siya nga nahasul sa maong plano. Nagresearch siya kabahin niini, ug nag-ampo sa angayan niyang buhaton. Didto niya natugkad nga aduna nay kinabuhi ang bata nga buot nilang ipa-abort, hinungdan nga nakighinabi siya sa iyang inahan ug gipadayag niya nga barugan niya ang iyang responsibilidad pinaagi sa pagpakatawo sa ilang anak.  Nalig-on ang iyang hukom dihang nag-video call sila sa iyang amahan nga nagtrabaho sa gawas sa nasud niadtong higayona.

“Yung papa ko, at that time, nasa Saudi siya, vinideo call ko po yung papa ko. ’Pa, sorry napaaga, pa.’

“Doon yung time na mas lumakas yung loob ko. Para sa akin po, di ba, kapag nagsasalita yung tatay lalo na sa bunsong anak, ‘Sabi niya, ‘Bunso, kapag iyan, ipinalaglag mo yung bata, huwag mo na ako tawaging tatay.’

“’Kapag ipinalaglag mo iyan, hindi ka tunay na lalaki... sorry for the word, wala kang bayag, kalimutan mo nang tatay mo ako.’

“So ako, iyak ako nang iyak, pero yung sinabi niyang yun, yung iyak ko parang, ****, may tao pa palang sasagip sa akin, may tao pa palang tutulong sa akin na i-angat yung confidence ko sa tao.

“Sabi ko, ‘Sana, sa desisyon kong ito, hindi ka madismaya kasi gagawin ko talaga yung best ng pagiging tatay, yung pagpapalaking ginawa niyo sa aming magkakapatid, gagawin ko rin yun sa anak ko. Parang hindi kita ipapahiya dahil maaga akong nagkaanak.”