Panganak na, day...

Gitambagan ni Mark Herras ang iyang co-star nga si Kris Bernal nga magbaton na og anak aron dili na magsige og gasto. Co-stars ang duruha sa legal drama sa GMA7 nga Artikulo 247 nga nahuman na kagahapon.

“Alam mo, dapat maging nanay ka na para hindi ka na maging magastos.

“Puro ka bag… it’s about time na magkaroon ka naman ng family na sarili mo.

“Feeling ko, talagang iikot ang mundo mo dun sa anak mo kasi ganun yung nangyari sa akin.Talagang lahat ng ginagawa ko is for Corky and Ico [Nicole Dionesa, asawa ni Mark].” Nagkanayon si Mark sa vlog nga gipakita ni Kris niining bag-o lang.

Dinhi gipadayag ni Kris nga nagmature na si Mark. Naibanan matud pa ang “bad boy” image niini. Naminyo na si Kris ngadto sa iyang longtime boyfriend nga si Perry Choi. Gikasal sila niadtong September 25, sa Magallanes Church sa Makati City.

Samtang tumong sa maong vlog ang magpasalamat, diin gipakita ni Kris ang mga tawo nga nakatabang niya sa kalampusan sa maong teleserye sama sa acting coach, make-up artist ug production people.

Bida-kontrabida ang role ni Kris sa maong serye, diin gipakpakan siya sa publiko gumikan kay maayo ang iyang pagkadala niini. Gumikan niini, napanlantawan nga mahatagan og follow-up project si Kris sa dili madugay, bisan tuod og dili na siya exclusive talent sa Kapuso Network.

Gipadayag sab ni Kris nga gimingaw na siya sa iyang mga nakatrabaho sa nahisgutang serye. Nasayran nga taod-taod na nga nahuman nila ang maong serye gumikan usab sa sunod-sunod nga lock in taping busa na enjoy nila ang ilang proyekto isip viewers.

“Na-miss ko na yung maraming tao. Maraming kausap. Different people, different stories, different personalities,” padayag pa niya.