Nagkasinabtanay na?

CEBU, Philippines — Niulbo karon ang hungihong mga matud pa dunay relasyon sila si Diego Loyzaga ug  Franki Russell human nikatap sa social media ang ilang sweet photos.

Matud pa nga dunay gi-upload nga mga hulagway si Franki sa iyang Instagram account kun diin makita nga nag-uban sila ni Diego.

Sa pagsuwat niining balitaa, gipapas na ni Franki ang maong mga hulagway.

Legal Wives makita na sa Netflix

Misikad  na sa Netflix Philippines dili pa la dugay ang Kapuso  family drama series nga  ‘Legal Wives' .

Matud pa nga nagsilbi kini nga ikapito  nga proyekto sa GMA-7 nga gipasalida sa maong sikat nga  video streaming platform.

Una na nga nilugwa sa   Netflix Philippines mao ang  ‘Descendants of the Sun,’ ‘I Can See You,’ ‘Love of my Life,’ ‘ Owe My Love,’ ‘Heartful Café,’ ug  ‘Family History.’

Ang "Legal Wives" gibidahan nila ni Dennis Trillo, Alice Dixson , Andrea Torres ug  Bianca Umali.

Kahinumdoman nga ang tanang mga eksena niini inabagan sa ilang  Muslim Consultants  nga sila si Sohaimen Agal, Imam Mohammad Miphantao, Imam Abu amen Abdullah, ug Ustadh Alinor Pansar; Islamic Script Editor Salem Guimba; ug Costume and Muslim Language Consultant Princess Nurfathma Egypa Balindong. 

Talagsaon nga proyekto

Bag-ong series ang idalit sa Vivamax sugod karong Hunyo  5 ug kini nag-ulohan og “High (School) on Sex”.

Ang maong proyekto gibitounan nila ni Wilbert Ross, Denise Esteban, Mig Almendras, Angela Morena, Kat Dovey, Rob Guinto, Marco Gomez, Micaella Raz, Andrea Garcia, Juami Gutierrez, Katya Santos, Sheree Bautista, ug Mark Carpio.

Suma pa sa direktor niini nga si GB Sampedro nga gihinabi gyud niya ang pipila ka mga tinun-an aron makakuha og ideya sa mahimong atake sa maong series. “Ibang panahon na tayo ngayon eh. So, dapat pinag-uusapan nga natin iyan para aware ang mga kabataan sa kung ano ang mae-experience nila sa buhay nila. Pero siyempre kailangan may mga iko-consider din tayo sa paggawa ng ganitong series," suma pa sa direktor.  Suma pa sa mga bida niini nga lahi ra gyud kun makabaton og talagsaon nga proyekto ug mao kini ang ipakita sa “High (School) on Sex”.

Nailhan ang Vivamax sa pagdalit og mga digital projects nga kagaton dayon sa publiko.

"The Mango Bride" gihikay na

Kasamtangang gihikay ni  Sharon Cuneta ang usa ka international film kun diin usa siya sa mga executive producer.

Mao kini ang  adaptation movie   sa  Marivi Soliven’s 2013 novel nga  “The Mango Bride”. Matud pa nga 95% sa  cast members  niini kay mga Filipino.

Respeto sa usag-usa

Kanunay gihapon kiligon ang TV host-actress nga si Pauleen Luna ngadto sa iyang bana nga si Vic Sotto.

Permanenteng ipasigarbo  ni Pauleen  sa Instagram ang iyang dakong gugma ngadto sa komedyanteng TV host.

Gisaulog sa sayong bahin karong tuiga  ang 6th wedding anniversary nila ni Pauleen ug Vic.   “My husband loves me very much and gives me a certain kind of confidence and security about our relationship but I think the thing I love most about him is the amount of respect he gives me," mensahe ni Pauleen alang sa iyang bana.

Usa sa mga rason sa lig-on nila nga panag-uban mao ang dako nila nga  respeto sa usag-usa.

“Respect plays a big role in any relationship. I know deep in my heart that it’s one of the main reasons why this relationship is so easy,” dugang pa ni Pauleen.

Star Magics artists manglugwa sa US

Magbaha ang  Kapamilya stars nga motikang sa Amerika alang sa usa ka kalihokan nga  dunay kalabotan sa selebrasyon sa  30th anniversary sa Star Magic. Manglugwa niini sila si  Zanjoe Marudo, Carlo Aquino, Kim Chiu, Donny Pangilinan, Belle Mariano, KD Estrada, Alexa Ilacad, Maymay Entrata, Edward Barber, Charlie Dizon, Maris Racal, Jane de Leon ug uban pa. Pagahimoon ang maong kalihokan sa  Kings Theater sa  Brooklyn, New York karong Agosto 6,  ug  Saban Theater  sa Beverly Hills, Los Angeles karong Agosto 14.