RIP, “Lola Flora”

CEBU, Philippines — Nagbangutan ang tibuok showbiz gumikan sa pagpanaw niadtong Biyernes sa gabii sa giilang Queen of Philippine Movies nga si Jesusa Sonora Poe o mas naila isip Susan Roces. Nag-edad siya og 80.

Suma pa sa official statement nga giluwatan sa pamilya, malinawon nga mipanaw ang beteranang aktres nga puno sa gugma sa kiliran sa iyang anak nga si Senator Grace Poe, mga pag-umangkon nga si Jeffrey ug Joseph, ug daghan nga mga kadugo ug mga suod nga higala.

Samtang tipik sa mensahe sa ABS-CBN, nagkanayon: “The ABS-CBN family and the entire cast and crew of FPJ’s Ang Probinsyano led by Coco Martin deeply mourn the passing of legendary actress Ms. Susan Roces. We extend our deepest sympathies to Sen. Grace Poe and her family. “For many years, she has instilled the values of love, faith, and hope with her loving portrayal of Lola Flora in FPJ’s Ang Probinsyano.”

Nagsugod sa showbiz si Roces sa edad nga 11 years old, pinaagi sa sa pelikula sa Nepomuceno Productions niadtong 1952 nga mao ang Bituin ng Kinabukasan. Sa samang tuig, nahimo siyang bida sa pelikula nga Boksingera sa Sampaguita Pictures.

Human niadto, nagsunod-sunod na ang iyang pelikula nga nihatag usab niya og mga pasidungog. Lakip sa iyang mga movies nga nitaktak gyud ang  Ang Daigdig Ko'y Ikaw (1965), Zamboanga (1966), Maruja (1967), Perlas Ng Silangan (1969), Divina Gracia (1970), Florinda (1973), Patayin Mo sa Sindak si Barbara (1974), Maligno (1977), Gumising Ka Maruja (1978), ug Mahal, Saan Ka Nanggaling Kagabi? (1979).

Ang dugang pa niyang mga pelikula mao ang Nasaan Ka Nang Kailangan Kita? (1986), Mundo Man Ay Magunaw (1990), Isinakdal Ko Ang Aking Ina (1997), ug Mano Po: My Family (2002).

Sikat si Roces ngadto sa mga kabataan sanglit matag gabii siya makita sulod sa daghang katuigan isip Lola Flora, ang nagpadako kang Ricardo Dalisay (Coco Martin) sa Ang Probinsyano. Si Roces, asawa ni King of Philippine Movies Fernando “Da King” Poe Jr., kinsa nipanaw niadtong December 14, 2004.

Idol Philippines

Ibalik sa ABS-CBN ang Idol Philippines. Niining higayona, co-production na kini sa Brightlight Productions. Wala pa ipahibawo kanus-a kini magsugod ug kinsa maoy host. Sa unang season, diin si Zephanie maoy nidaog, si Billy Crawford maoy host, kinsa naa na karon sa TV5. Apan posibli sab nga si Billy gihapon sanglit, usa sa mga shows niya sa TV5 mao ang noontime show nga Laugh Out Loud, nga iyaha sa Brightlight Productions. Hinuon, kun pangutana pa kinsay host sa season two, kumpirmado na ang mga hurado: mobalik sila si Regine Velasquez ug Moira, diin ang bag-o nilang makauban mao sila si Chito Miranda ug Gary V, kinsa mga hulip kanila ni James Reid ug Vice Ganda.

Gahi’g Ulo

Giangkon ni Thea Tolentino sa exclusive interview sa PEP kaniya nga may pagka gahi siya og ulo kun gugma ug opinion sa iyang mga ginikanan mahitungod niini maoy hisgutan. Apan niya pa, timbang-timbangon sab gyud niya ang isyu, ug kun makaamgo siya nga sayup siya,ipaubos pud niya ang iyang garbo. Si Thea maoy bida sa Magpakailanman episode kagabii nga giluohan og “When My Daughter Falls In Love.” Pares niya si Martin del Rosario.

Management’s Decision

Nilihay si Michael V sa pangutana kun may kalabutan ba sa working attitude ang pagkawagtang sa ubang cast sa longest-running gag show sa sa GMA7, ang Bubble Gang. Tubag niya, “Yung mga decision na ganyan, it’s always an executive decision. So management palagi ang nagde-decide kung sino ang mag-stay, kung sino ang ile-let go. So as much as I can always make suggestions, ang end decision palagi nasa management.” Sugod sa Biyernes, May 27,  adunay bag-ong mga artista nga makita sa maong gag show, bag-ong segments, ug bag-o sab ang ilang timeslot: 9:40pm.

Gituldokan ni Janice

Dili na gyud mahitabo pa nga makigtrabaho si Janice de Belen sa iyang kanhi bana nga si John Estrada. Kini maoy pamahayag sa aktres ngadto sa anak nila ni John nga si Kaila Estrada. Suma pa sa PEP, giluwatan ni Janice ang maong pamahayag niadtong May 10, sa programang Byaheng Retro 2.0 sa Jeepney TV. Mother’s Day Special ang maong episode, diin si Kaila ang nag-interview sa iyang inahan. Usa sa mga pangutana mao nga andam ba makigtrabaho ang banggiitang aktres ug TV host sa iyang mga ex nga sila si Aga Muhlach ug John Estrada. Tubag ni Janice, andam siya makigtrabaho kang Aga, apan dili kang John. Pasabot niya: “Alam mo kasi, hindi kami naging mag-asawa ni Aga, so it’s different than... the relationship is different. It’s different with your dad kasi naging mag-asawa kami. Yung disagreements namin were not tiny disagreements. The reason for us separating, it’s not a tiny thing, it’s not just a disagreement. So many hurtful things, so many hurtful words have already been exchanged.”