‘Di lang si Lorna, Coco bumili rin ng lupain sa Ilocos
Dahil sa Ang Probinsiyano na sa Ilocos naka-lock in simula nang magka-pandemic, bumili na si Lorna Tolentino at Coco Martin ng property doon.
Nagandahan sila at nagustuhan ang ugali ng mga Ilocano kaya naman naisip nila na kahit tapos na ang taping, puwede pa rin silang pumunta dun at mag-stay ng matagal dahil nga sa ganda ng lugar.
Tuwang-tuwa sila Coco at Lorna na kahit maliit lang ang property nilang nabili meron na silang pupuntahan pag nami-miss nila ang Ilocos.
Talagang gandang-ganda si Lorna at Coco sa mga tanawin at sa malinis na dagat kung saan sila nagti-taping. Sabi nga ni Lorna, Ilokana na siya, at balak niya na lagi ay magbakasyon dun.
Naku makapunta nga sa Ilocos.
Dami ko diyang pupuntahan dahil Ilocana si Rei Tan ng Beautederm na may pinatatayo ring mansion doon.
Maricel, totoong star
Bongga talaga si Maricel Soriano.
Imagine minsan lang lumabas, balita agad sa lahat ng dyaryo.
Ginawan talaga ng intriga na hindi niya binanggit ang pangalan ni vice presidentiable Kiko Pangilinan nang i-endorse niya si Leni Robledo na suportado niya ang kandidatura sa pagka-presidente.
Bongga at ang ingay nang ginawa niya, pinag-usapan siya.
Iyan sinasabi ko, basta star ka, newsmaker ka talaga. Konting galaw, news agad.
Tingnan mo ang ingay na halos headline sa lahat ng columns. Saka siyempre, kasali rin ang pagiging megastar ni Sharon Cuneta.
- Latest
