Na bad trip

CEBU, Philippines — Gitubag na ni Andrea Brillantes ang isyu nga nagminaldita siya ngadto sa usa ka rider ug daw wala kini nalipay sa gideliver niini nga sapot gikan sa usa ka clothing line. Nabantayan sab nga nibalibad siya sa hangyo sa rider nga mag-selfie sila.

Nagsugod kini dihang gi-upload sa maong clothing line ang mubo nga video aron magpasalamat ngadto kang Andrea. Apan na bash ang young actress kay matud pa suplada kini.

Hinungdan nga nitubag na si Andrea sa mga pagsaway nga iyang nadawat pinaagi sa iyang Tiktok account. Suma pa ni Andrea, tinuod nga bad trip siya kay nagsige og pamugos ang rider nga mag selfie sila nga walay mask.

“To be honest, yes. Actually, medyo bad trip ako niyan. Una, ang kulit kasi ni Kuya na, 'Puwede po ba na walang mask, walang mask?' Sabi ko, 'Bawal po, bawal po talaga.'

“Nag-picture siya 'tapos umulit uli siya. 'Tapos sabi ko, 'Kuya, bawal po talaga kasi, duh, 'asa pandemic pa tayo at ang dami ko pa hong work na nakasalalay na hindi ako puwedeng mag-positive.' So, sabi ko kay Kuya na, ‘Kuya, bawal po talaga or else papasok na rin talaga ako,' since late naman na ako sa training ko, e."

Napungot sab matud pa siya kay gisigehan siya'g pangutana kabahin sa sapot ug nagsige'g kulit niya.

“'Tapos paulit-ulit akong tinatanong tungkol sa damit, 'tapos kinukulit ulit ako sa damit. Sabi ko, 'Hindi ko po puwede i-post 'yan kasi ho, H&M ako.'

“Tapos, ito na talaga, kaya mukha akong bad trip diyan kasi bad trip nga talaga ako. Si Kuya na kanina pa nangungulit sa mask biglang sabi na, 'Dali, picture tayo two joints, two joints.'

"Sabi ko, ‘Hindi, Leni ako.Walk out ako, masama ba? Ha?"

Ang two joints, hand gesture nga maoy gigamit ni Mayor Isko Moreno sa pangampanya.

Gitin-aw hinuon sa clothing line nga nag-upload sa video nga nagpasalamat ang aktres ug nga wala kini nasuko.

"Aqua Angels"

Nagbaha ang mga makabibihag nga dagway ug kaanyag  didto sa Boracay niining bag-o lang. Kini kay didto gipahigayon ang catwalk challenge alang sa Miss Universe Philippines diin nirampa ang 32 ka mga kandidata nga nag-swimsuit.

Recorded ang maong event ug isalida kini sa umaabot nga mga adlaw sa dili pa ang coronation night didto sa MOA Arena sa April 30.

Ang Aqua Boracay Hotel ang official residence sa Miss Universe didto sa isla diin nagpili og walo ka mga kandidata ang management ug gihatagan og corporate award nga "Aqua Angels."

Ang walo naglangkub nila ni  Miss Laguna Sonja Jeyn Tanyag, Miss Taguig Katrina Llegado, Miss Makati Michelle Dee, Miss Pasay City Celeste Cortesi, Miss Palawan Angelica Lopez, Miss Baguio Ghenesis Latugat, Miss Cebu Province Lou Dominique Piczon, ug Miss Aklan Jona Sweett.

Walay apil sa scoring ang maong award, apan bisan paman nalipay ang mga mananaog sama na lang kang Llegado nga niingon nga dakong dungog alang niya nga nagbunga ang iya ug sa iyang team nga paningkamot kay nakadapit gyud siya og pagtagad pinaagi sa maong pasidungog.

No communication

Gibutyag ni Barbie Imperial ngadto sa press nga wala na silay komunikasyon sa iyang ex-boyfriend nga si Diego Loyzaga. Nahukman matud pa nila kini sanglit bisan buot pa sila nga magpabiling managhigala, upat ka bulan huwan sila nagbulag, aduna gyud gihapon silay pagbati sa usa'g usa. Si Barbie nga nahinabi sa press samtang nagbakasyon sa Boracay niingon, "Kaka-break lang namin… So siguro space muna and we’ll see if kaya talaga namin maging friends."

Misunderstanding

"Sabi ng source ko, may tampuhan ‘yung dalawa at normal lamang ‘yun. Confirmed na may tampuhan.”  Kana suma pa ni Ogie Diaz mahitungod nila ni Moira ug sa iyang bana nga si Jason Hernandez kinsa giintriga nga nagbulag na, tsika nga hugtanong gihimakak sa nauwahi pinaagi sa usa ka tweet niadtong Domingo. Matud ni Ogie, nadala lang sa pagbati si Moira niadtong gidelete niini ang ilang mga hulagway sa iyang bana. Nagtuo ang beteranong showbiz insider nga gi-archive ra ni Moira ang mga hulagway ug wala gyud kini gi-delete.

Best in Kugang!

Speechless ug wala nakatuo dayon si Vince Rallon nga siya ang nidaog nga best actor sa 19th Asian Film Festival sa Cinema Farnese, didto sa Rome, Italy niadtong April 12, pinaagi sa pelikula nga Resbak, nga ubos sa direksyon sa iyang manager nga si Brillante Mendoza. Nikuyog siya kang Brillante sa Italy kay pasidunggan ang direktor og Lifetime Achievement Award. Gani, nihangyo pa sila kun mahimo raba nga dili mag formal attire, ug gitugutan sila. Hinungdan nga dako na lang ang pagkakugang nila dihang gitawag siya isip best actor. "Hindi ako prepared. Hindi ko talaga inaasahan yun. Lalo akong natuwa nung tawagin yung pangalan ko.Nagulat din si Direk nang biglang tawagin yung pangalan ko.Sabi ko, 'Direk, ako ba yung tinatawag?' Hindi pa ako tumatayo hanggang yung emcee, tinawag ako, 'Vince Rillon, Vince Rillon, come…come.' Ang ending, nisaka siya sa entablado nga nagpantalon ug simple ra nga sapot.

Dili pa ready

Dili pa andam si Glaiza de Castro nga mag-positive o magmabdos alang sa unang anak nila sa iyang bana nga si David Rainey. Namahayag ang aktres niini sanglit sa teleserye niya nga "False Positive" nga isalida na sa GMA7 sa umaabot May 2, magsabak ang karakter sa iyang leading man nga si Xian Lim. "Sa tingin ko po kasi, napakalaking responsibility yun, e. So, sa tingin ko, parang natatakot pa ako and, in a way, dahil dun hindi pa talaga ako ready. And sa tingin ko, darating din naman yung time na magiging ready ako at paghahandaan ko yun nang matindi," nagkanayon siya ngadto sa PEP Troika.