“Punta ka rin!”

Gitubag ni Angel Locsin ang usa ka basher nga nibugal-bugal niya nganong naglangoy-langoy siya didto sa Boracay nga iya man matud pa nga gisaway ang pagpasirado ni Presidente Rodrigo Duterte sa maong isla sulod sa unom ka bulan aron ma-rehab.

Tweet sa basher: yung anti duterte ka tas binabash mo ung proj nya sa boracay pero nagpunta ka don. Nagposing posing pa HAHAHAHAHAHAHAHAH aguy na buang ang darna nyo.”

Apan wala kini palabya ni Angel ug gipangitaan og resibo ang basher kanus-a siya nisaway sa maong lakang. “aguy…una, kelan ko binash??? [laughing emoji] and last time I checked, pag aaari pa naman ng buong Pilipinas ang bora, punta ka rin!"

Kahinumduman nga didto sa Boracay nag-holy week ang magtiayong Neil Arce ug Angel, diin nag-upload si ang aktres og hulagway niya nga naa sa swimming pool. Samtang, nasorpresa ang mga taga Baybay, Leyte niadtong Lunes, human kalit nga nibutho si Angel didto ug personal nga nanghatag og relief goods ngadto sa mga naapektuhan sa Bagyong Agaton sa nilabay nga semana.