Aktor na nasangkot sa iskandalo, sibak na sa teleserye

Last week pa may nagkuwento sa amin na may major decision daw na gagawin ang isang TV network tungkol sa isang aktor nila na nasangkot sa isang malaking iskandalo kamakailan.

Very soon daw ay magkakaroon ng official announcement ang nasabing TV network sa desisyon nilang tanggalin ang aktor sa isang proyekto nila.

Tsk... tsk... tsk...

Ruffa, may pa-tribute kina Eddie at Annabelle

Alam mo, Ateng Salve, nakaka-touch ‘yung pa-“tribute” ni Ruffa Gutierrez sa parents niyang sina Eddie Gutierrez at Annabelle Rama.

Kahapon nga ay nag-post si Ruffa sa kanyang Instagram (@iloveruffag) ng, “We never know the love our parents have for us till we become parents ourselves. (With red heart emoji) I love you Mom & Dad! From your one and only sweet, loving daughter.”

Tinawagan ko nga si Tita Annabelle kahapon para tanungin kung naiyak ba siya sa posting na ‘yon ni Ruffa, pero ang sey niya, “Babasahin ko mamaya. Nasa campaign pa kami ngayon (kasama si Senator Manny Pacquiao at misis nito na si Jinkee).”

Pero knowing her, tiyak na maiiyak siya kapag nabasa na niya ang post na ‘yon ni Ruffa. Eh, ang babaw rin naman kasi ng luha ni Tita Annabelle, huh!

Showtime, taped episodes na sa Holy Week

Hanggang today na lang ang live episode ng It’s Showtime.

After ng live nila ngayon ay may taping pa sila para sa three episodes nila next week.

Si Ogie Alcasid, nakapag-report na ng live kahapon sa show at nag-taping din after.

Bakasyon na next week ang mga taga-It’s Showtime dahil Holy Week na nga. ‘Yun na!