Barbie, meron na raw bagong ‘baby’
Uy napagkamalan palang preggy si Barbie Imperial. Kasi nga marami ang nakapansin ng pagkawala sa ere ni Barbie matapos silang ‘magkaiwanan’ ng ex niyang si Diego Loyzaga.
Kahit saglit lang daw kasi ang kanilang naging relasyon, marami ang nagsasabing sa kanilang dalawa, mas nasaktan si Barbie kasi nga mas malalim siyang magmahal. Kaya raw nung naghiwalay ang dalawa, si Barbie ang parang ‘iniwan’ sa ere ang pakiramdam.
Hindi raw ito noon nagpapakita sa mga gimikan na dati nilang pinupuntahan ni Diego kasama ang barkada.
Marami ang nagsabi na panay raw ang mukmok nito kaya medyo nagdagdag ng timbang, lalo na sa bandang puson.
Ang haka-haka nga ng mga ‘marites’ sa showbiz ay meron na raw itong dinadalang, alam n’yo na.
Nakapanayam kamakailan lang si Barbie sa isang beach resort sa Batangas at laking gulat ng lahat na bumungad siya ng naka-orange bikini na hapit sa kanyang katawan.
Pano mo raw sasabihin na siya ay may dinadalang… ‘yun na nga, na siya ay nagdadalantang tao.
Ah baka naman may ibang ‘baby’ na si Barbie?
- Latest