Bela, kinumpara kay Coco

Si Liza Soberano pala dapat ang magbibida sa directorial debut ni Bela Padilla, ang 366. Pero hindi nag-materialize dahil may serye raw noon si Liza. “I even came to a point na I asked for her schedule already. She was doing a TV show at that time also,” kuwento ni Bela sa kanyang solo mediacon via Zoom habang nasa London the other day.

Sa London ngayon naka-base ang actress pero babalik muna siya sa bansa this April para nga sa nasabing pelikula na siya rin ang bida. Pero babalik din daw siya sa London.

Co-starring niya sa 366 sina Zanjoe Marudo and JC Santos.

Excited si Bela para sa pelikula na kinailangan niya ring i-revise ang script.

Kaya naman siya na raw ang female counterpart ni Coco Martin. Anong masasabi niya rito? “Coco is a very, very talented person. Bukod sa pagiging actor-director, kahit noong umpisa pa lang ng Probinsyano noong nando’n pa ‘ko, siya rin ang nagko-conceptualize ng maraming plot ng Probinsyano,” sagot niya. “So, he’s really a creative force, I guess, in his generation, in his world. So, I’m very happy for him and I’m very proud of him.

“I think, malayo pa ‘yung kailangan kong tahakin para masabing kalebel ko si Coco. Kasi, Coco na ‘yan, eh. ‘Pag umabot na po ako sa sweldo ni Coco, masasabi ko na talaga na ka-level ko na siya,” dagdag pa niya.

Pero aminado siyang hindi niya kayang magdirek ng action scenes na madalas gawin ni Coco. “And I guess, in the same way, baka there are things naman na I can do na hindi naman kaya ni Coco. So, we’re very different also.”

Anyway, in all fairness, maganda ang trailer ng 366. Parang glossy ang quality.

Mapapanood sa Vivamax ang 366 sa April 22.