Xian, sasabak muna sa mini series!
Binigyan na ng bagong project at leading lady ng GMA si Xian Lim.
Naudlot ang pagsasama nina Xian at Jennylyn Mercado sa Love. Die. Repeat nang magbuntis si Jen. Ikinasal na rin siya kay Dennis Trillo.
Kasalukuyang nasa lock-in taping na si Xian at quarantine muna sa isang hotel bago sumabak sa taping.
Isang mini-series ang project ng bagong Kapuso actor title False Positive. Si Glaiza de Castro ang kasama niya sa mini-series mula sa direksyon ni Irene Villamor na director din ng Love. Die. Repeat.
Rabiya, pumirma ng kontrata sa Kapuso
Pormal nang pumirma ng kontrata ang Miss Universe Philippines 2020 na si Rabiya Mateo sa GMA Network kahapon.
Pero bago pumirma, isinalang muna si Rabiya sa Halloween special ng Kapuso Mo, Jessica Soho na nagustuhan ng isang element na Ngisngis. Nadagdagan pa ito ng isang acting work sa isang show ng GMA.
Unang isasalang si Rabiya bilang bagong kapareha ni Senator Bong Revilla, Jr. sa Ang Pagbabalik ng Agimat ng Agila.
- Latest