Mang-hugyaw sunod buwan
CEBU, Philippines — Sa unang bahin sa Disyembre , sayo nga magpabuto sila si Alma Moreno, Ara Mina, Maui Taylor ug Rosanna Roces.
Kini pinaagi sa pelikulang Pornstar 2: Pangalawang Putok nga makita sa Vivamax sugod karong Disyembre 3.
Makalingaw ug init nga mga eksena ang idalit niini ngadto sa publiko. Si Darryl Yap ang direktor niini kinsa nailhan usab kaniadto gumikan sa sikat niya nga mga pelikula ug usa na niini ang “Paglaki ko Gusto Kong Maging Pornstar". Dakong garbo alang nila ni Alma, Ara, Maui ug Rossanna nga mag-uban sa usa ka movie project. (Sanden J. Anadia)
Ikaduhang hugna sa "Limitless"
Mosikad na karong Nobyembre 20 ang “Limitless Part 2: Heal" nga gibitoonan sa Asia’s Limitless Star Julie Anne San Jose. Sa maong hugna , gilibot ni Julie Anne ang pipila ka mga lugar sa Visayas ug kauban niya ang iyang higala nga si Rayver Cruz , ingon man usab ang Cebuana singer ug The Clash Season 3 Grand Champion nga si Jessica Villarubin.
Matud pa sa singer nga dili basta-basta ang mga lugar sa Visayas gumikan sa talagsaon nga hiyas niini.
Tungod sa maong show, ubay-ubay gyud ang nakat-onan ni Julie Anne ilabi na sa nagkadaiyang aspeto sa kinabuhi.
Suma pa sa GMA First Vice President and Head for Regional TV and Synergy Oliver Victor Amoroso nga maayo kaayo ang performance ni Julie Anne sa maong show.
“Amidst a global pandemic, we have never been more proud of Julie and her immense talent and willingness to explore herself, and our amazing country. The ‘Limitless’ team is honored to be part of her journey. Limitless is not just Julie’s story but ours as well. We want to breathe. We want to heal. And with ‘Limitless,’ GMA Synergy is doing just that for our Kapuso all over the globe. We hope you stay with us in this three-part journey that features the beautiful country that is the Philippines,” matud pa ni Amoroso.
Si Paolo Valenciano ang direktor sa maong programa, samtang si Myke Salomon ang musical director.
Gi-produce kini sa GMA Synergy nga maoy nagpaluyo kaniadto sa virtual concert nga “Alden’s Reality nga nakalangkat usab og finalist certificate sa 2021 New York Festivals.
Gipistahan sa laing nasud
Padayon nga gipistahan ang teleserye ni Coco Martin nga Ang Probinsyano ug ubay-ubay na ka mga nasud ang nag-ere niini.
Nasayran nga gawas sa Netflix ug The Filipino Channel , gikalingawan usab kini og maayo didto sa Vietnam, Myanmar, Laos, Thailand, ug 41 ka nasud sa Africa.
Nag-trending usab ang report kalabot sa pagsulod ni Sharon Cuneta sa maong programa.
Awit ni Maymay nataypan
Wala damha ni Maymay Entrata ang mga nadayeg nga iyang nadawat sa bag-o niya nga single nga “Amakabogera.”
“Hindi ko talaga ma-explain ’yung nararamdaman ko. Hindi ko in-expect ’yung sobrang overwhelming na pagtanggap nila sa kanta kong ‘Amakabogera,’” matud pa ni Maymay.
Matud pa ni Maymay nga nagkuha gyud siya og voice coach hinungdan nga natarong ra gyud niya ang iyang performance.
- Latest