Male personality na yayamanin, laging may baong ecstasy

Fresh-looking and fit ang isang kilalang male personality. Eh may sariling mundo rin ang male personality bago na-invade ang showbiz.

Mukhang yayamanin ang male personality kaya agad naging malapitin sa showbiz.

Pero may kakaiba raw siyang bisyo – ecstasy drugs!

Ang pagdadala raw sa kanya ng ecstasy drugs ang madalas niyang hilingin kapag meron siyang party na ino-organize! ‘Yung may makapagbigay sa kanya eh may katumbas raw na datung!

Bawal ang ecstasy drugs, ‘di ba, Salve A.?

Andrea, nasa Argentina para sa international movie

Nag-iisang Filipino ang Kapuso artist na si Andrea Torres sa sa foreign film na Pasional.

Kasalukuyang nasa Argentina ngayon si Andrea para i-shoot ang international movie. Isang tango dancer ang role niya kaya bago umalis, kinailangan niyang mag-aral ng sayaw.

Isang welcome dinner ang inihandog kay Andrea at ang kasama niyang ina pagdating sa Argentina.

Second foreign film na niya ito. Una niyang ginawa ang Cambodian movie kasama si Mikael Daez.

Tapos na rin ang tapings ni Andrea sa Legal Wives na ilang linggo na lang at matatapos na.