Pagbubunyag ni Cristine sa pang-aabuso ng ina, wala sa timing!
Ewan ko rin kung ano naman ang nangyari kay Cristine Reyes at biglang naging issue rin ang mother - daughter relationship nila ng kanyang ina.
Bigla na lang inilabas ni Cristine ang ilang pribadong bagay pampamilya na ikinagulat ng publiko.
‘Yung ilang beses na ginusto raw na sana ay hindi siya isilang at ilan pang bagay.
Ewan kung ano ang naganap para gawin ito ni Cristine ngayon lalo pa nga at isa na rin siyang ina.
Whatever it is, parang wala sa timing ang nangyayari. Matagal nang panahon, heto at isa ka na ring nanay, bakit kailangan ngayon pa ilabas iyang issue na iyan kung totoo man?
Hindi ba naisip ni Cristine ang magiging repercussions nito kung sakali? Ano na lang ang puwedeng masabi tungkol sa kanyang ina?
Maganda naman ang naging buhay nila ni Ara Mina na kapatid niya, sana ito na lang ang tiningnan ni Cristine.
No matter what, nanay pa rin niya ito. At kung anumang nangyari sa past, iniwan na sana niya dahil maganda naman ang kinalalagyan niya ngayon.
Honour thy father and thy mother, isa iyan sa lagi nating tatandaan. At isa iyan sa magdi-define sa atin.
Emosyon ng mga tao, nagiging toxic sa pandemic
Bakit parang ang gulo ng mga nagaganap ngayon? Dirty linens na inilalabas sa publiko, parang talagang pati emosyon ng tao pinasok na ng COVID dahil very toxic na.
‘Yung away mag-asawa na nagiging very dirty, mga akusasyon ng isang anak laban sa kanyang ina.
Para bang naghahanap ng outlet ang galit na nasa loob ng bawat isa para ilabas. Not so good dahil palapit pa naman ang Pasko. Not so good dahil isinasabay natin sa pandemic.
Dapat talagang matapos na ito, grabe na. Dahil sa boredom kung anu-anong issues na ang lumalabas. Back to normal na, please.
- Latest
