Hiyas ng Pilipinas gilusad na!

CEBU, Philippines — Hulagway kuha ni Pormal na nga gipaila dili pa lang dugay  ang bag-ong national pageant nga gidumala sa mga Sugbuanon ug kini mao ang Hiyas Ng Pilipinas kun  diin ang mahimong mga kandidata niini kay mag-agi og mga community service.

Ang board of directors sa maong indigay     gilangkoban nila ni Eva Patalinjug (national director ), Ronald Elpa (chairman),

Jesselle Saniel (vice president), Roy Erwin Tizon (operations director), Maria Alma Maria (PR director),  Sugar Borja Sagarino (finance director) , Christian Bacus (director of legal affairs), Karla Tandoy (director of charity) ug Auguste Izhar Pepito (director of communications).

Suma pa ni Pepito nga ang pagbida sa mga katungod  sa kababaenhan ingon man usab sa pag-promote sa turismo sa nasud ang pipila lang sa mga  target sa maong prestihiyosong indigay.

Nagtangag usab kini og tulo ka international pageants franchises kun diin ang mga mananaog niini maoy mahimong pambato sa nasud alang sa Miss Elite World, Miss Queen International ug Miss Tourism World.

"We envision our organization to be a force to reckon with not only on the national arena but international as well. To be relevant in an industry that thrives on satisfying both viewers, contestants and future partners , we have chosen an ideal location in the heart of Cebu," tipik sa statement sa maong indigay.

Ang award-winning composer nga si Frenyx Tarongoy maoy nigama sa jingle sa Hiyas Ng Pilipinas.

Nagpadayon karon ang ilang online screening  pinaagi sa ilang  website nga www. hiyasngpilipinas. com ug ang ubang mga anunsyo niini kay ilaha  usab imantala sa ilang Facebook Page nga "Hiyas Ng Pilipinas Official".

  Ang mahimong makasalmot niini kay nag-edad og 18-27 anyos ug dunay gitas-on nga  5’3” pataas. Nakabutang ra sa website ang form alang sa gustong mosalmot sa maong indigay.

Cebuana napili isip Aliwan Festival Queen

Ang 20 anyos nga si Shanyl Kayle Hofer kinsa nipresentar Minglanilla,Cebu maoy napili nga Aliwan Fiesta Digital Queen 2021.

Nasayran nga 12 ka mga kandidata gikan sa naglain-laing dapit sa nasud ang nisalmot sa maong indigay sa miaging gabii.

Usa kini ka virtual event busa nanukad sa tagsa-tagsa nila ka lugar ang mga kandidata niini. "Prior to winning the crown, I’ve seen how Cebuanas dominated Miss Universe, Miss World, and almost all national pageants that we have. I was pressured but I took it as a motivation for me to keep on going with Aliwan Fiesta. Now that I finally brought the Aliwan crown to Cebu, I feel so ecstatic! I still can’t believe it it feels like a dream!," suma pa ni Hofer.

Mapasalamaton si Hofer sa tanang Sugbuanon nga nihatag og suporta kaniya.

"To all Cebuanos who supported me in my Aliwan Fiesta journey, thank you so much. I owe this success to all of you. Daghang Salamat!," panapos pa niya.

Dili na bag-o kaniya ang pagrampa sa entablado , si Hofer maoy  Sugat Kabanhawan Festival Queen 2021 1st runner-up ug  Miss Isabel 2020 2nd runner-up.

Andrea nagpositibo sa COVID-19

Giangkon sa aktres  nga si Andrea Brillantes nga nagpositibo  siya COVID-19 kun diin niduyog usab niini ang pag-atake sa insomnia ug anxiety.

Matud pa sa aktres nga  asymptomatic, ang iyang istado. Aron dili siya laayon, kanunay ra gyud siya mobasa og mga libro.

Dili matud pa lalim ang sitwasyon nga iyang nahiagoman apan kanunay niya nga gibutang sa iyang huna-huna nga lumalabay ra gyud kini. (Sanden J. Anadia)

Jake gipriso

Gikatahong nasaghiran sa sakyanan nga gimaneho ni Jake Cuenca ang usa ka police vehicle niadtong Sabado sa gabii. Giingong padayon nga nagmaneho si Jake busa gikugod kini sa mga polis gikan sa Mandaluyong ngadto sa Pasig. Sa pagsuwat niining balitaa, wala pa mohatag og tubag ang aktor kalabot sa maong report. Gipaubos  karon si Jake sa kustodiya sa kapolisan. Giingong dunay nadamay nga delivery driver sa maong ginukoray  human napusilan sa polis ang ligid sa sakyanan ni Jake.

Todo suporta sa uyab

Gipanumpa ni Sue Ramirez  atol sa 27th birthday sa iyang boyfriend nga si  Javi Benitez sa miaging adlaw nga kanunay  niya kini nga higugmaon ug  ampingan. Mohatag usab si Sue sa iyang full support ngadto kang Javi kinsa midagan pagka-mayor sa Victorias City, Negros Occidental  sa umaabot nga piniliay karong 2022.

Girespetar sa ABS-CBN

Girespeto sa ABS-CBN ang pagsulod ni Karla Estrada sa kalibutan sa politika. Usa si Karla sa mga nominado sa Tingog Party List nga usa sa nisupak  kaniadto sa renewal sa prangkisa sa ABS-CBN.“We respect her decision and wish our Kapamilya well as she pursues her mission of service," tipik sa statement sa ABS-CBN.