Christopher, sa huwag kang mangamba muna...
Mahalagang papel ang gagampanan ng multi-awarded actor na si Christopher de Leon sa buhay ni Mira (Andrea Brillantes) sa pagpasok niya sa teleseryeng Huwag Kang Mangamba ngayong Oktubre.
Si Christopher ang gaganap sa misteryosong si Elias na mapapalapit kay Mira at sa mga kapwa nitong mga ampon na nakatira sa ilalim ng malupit na pamamahala nina Thelma at Armand (Andrea del Rosario at Richard Quan).
Si Ian Veneracion ang naunang napabalitang papasok sa teleserye pero diumano’y nagkasakit ito.
Obviously, mauuna pang mapanood ang award winning actor sa Kapamilya serye kesa sa naumpisahan na nilang Lolong sa GMA 7 na wala pang final schedule kung kailan eere. Si Ruru Madrid ang bida sa Lolong.
- Latest