Mariel, may koleksyon ng baril sa bahay!

For protection daw...

Bongga pala si Mariel Rodriguez, hindi lang mga luxury bag ang kino-kolekta, pati baril may koleksyon siya. Yup, as in.

Kaya hindi pala puwedeng magloko-loko ang asawa niyang si Robin Padilla na nagturo rin sa kanyang mangolekta nito.

“Who would’ve thought, right? I know ang mga na share ko before are my collection of bags, headbands, pati tableware, but I’m really excited to show you all a part of me na hindi niyo pa nakikita — my  guns! It all started nung niregaluhan ako ni #RobinPadilla with my first gun and now look where we are. Anu-ano mga collection niyo?

“DISCLAIMER: Any firearms shown in this video are for collection purpose only. This video is not intended to promote or sell firearms. All firearms and related gear are legally possessed and are handled with the utmost care,” description niya sa nasabing vlog na may title na  Babae at Baril (My Gun Collection).

At ang nagpa-shock sa kanya noon ay nang nalaman niyang may baril din ang mother-in-law niyang si  Mommy Eva Carino-Padilla ni Binoe.

“I remember, I’ll never forget it. One of the first few times that I’ve met my mother-in-law, she said, ‘Robin, ‘yung shotgun ko, parang kailangan nang lagyan ng langis.’ I was shocked. Imagine, a 70-year-old lady, sinabi niya na may shotgun siya. I was shocked to the core! Bago pa lang ako no’n sa pamilya nila. ‘Eto na tayo ngayon, may koleksyon na rin ako,” kuwento nito na talagang in her element at super compare ang baril sa mga kinolekta rin niyang bag.

At tulad sa kanyang mga bag, meron siyang baril na may baby version.

Natuto na raw siyang magpaputok, pero takot pa rin siya.

Sabi niya, nakatago naman ang mga nasabing baril sa very secured vault and definitely ay out of reach ng mga bata.  Paglilinaw pa niya, “this is all for collection and this is not used for violence ever. Most of the time, for movies, okay? Of course, nandiyan din ‘yung for security, for protection, yes. Pero never for violence.”

Pero nakaka-amaze, pati mga limited edition at vintage na baril, meron si Mariel.

May pinakita rin siyang submachine gun, pero ‘di raw ‘yun sa kanya, kay Robin na kilala ngang gun collector na nakasuhan noon ng illegal possession of firearms (1995) at nakulong .