Kapamilya stars midasig sa katawhan nga magparehistro
CEBU, Philippines — Gihatagan og gibug-aton sa mga artista sa Star Magic ang importansya sa paghatag og partisipasyon sa piniliay busa wala sila'y duha-duha nga nitabang sa voter registration campaign sa Bayan Mo, iPatrol Mo (BMPM) sa ABS-CBN.
Ka-partner sa ABS-CBN sa maong kampanya mao ang Commission on Elections (Comelec) kun diin gidasig nila ang katawhan nga magparehistro aron makabotar sa umaabot nga eleksyon karong 2022.
Pipila sa mga artista nga nitabang sa maong kampanya mao sila si Robi Domingo, Ria Atayde, Edward Barber, Donny Pangilinan, Miles Ocampo, Aya Fernandez, Alora Sasam, Karina Bautista, Josh Colet, Anji Salvacion, Charles Kieron, Heaven Peralejo, Pepe Herrera, ug Dominic Ochoa.
“This is a most consequential election in our country's history kaya mahalaga na manindigan tayo sa karapatang ito. Maraming salamat sa Star Magic at Comelec pati sa iba pang grupo na nagsusulong ng voter registration,” suma pa sa ABS-CBN News head nga si Ging Reyes.
Serbisyo publiko
Bisan pa man nga busy si Ronnie Liang sa iyang career, mogahin gyud siya og oras sa pag-apod apod og mga pagkaon sa mga naapektohan sa pandemya. Nasayran nga usa ka army reservist ang singer.
Side A mag-online concert
Adunay ikaduhang online concert karong tuiga ang banda nga Side A. Nag-ulohan kini og "Side A Redux Calesa 2nd Set" ug mahitabo na kini karong Setyembre 11. Atol sa maong concert, ilaha usab nga ipalanog ang bag-o nila nga awit.
Nagbaha ang viewers
Mikulit na usab og dakong live viewership record ang programa ni Coco Martin nga ‘Ang Probinsyano’ sa miaging gabii. Mao kini ang eksena kun diin nanamilit na ang karakter ni Jane de Leon. Sa YouTube lang daan, aduna kini 162,831 live viewers. Nalabwan niini ang rekord niadtong Hunyo nga dunay 154,039 live viewers.
Liza pasok sa MV
Na-feature si Liza Soberano sa music video sa "The Baddest" ug nag-trending kini sulod na sa pipila ka adlaw. Giawit kini sa grupong BGYO ug gi-release kini dili pa lang dugay.
Motabang sa uyab
Walay plano si Daniel Padilla nga mag-vlog nga usa sa mga hilig sa iyang uyab nga si Kathryn Bernardo. Hinoun kanunay siya motabang sa mga content sa vlog ni Kathryn.
Jasmine misukol na og kissing scene!
Komportable ra si Jasmine Curtis-Smith kang Alden Richards busa nisugot ra siya sa ilang kissing scenes sa Kapuso series nga "The World Between Us."
Matud pa ni Jasmine nga gibalibaran niya ang maong klase nga eksena sa nangagi niya nga mga proyekto. "Ito kasi kailangang maipakita 'yung maturity ng characters tsaka 'yung pagiging naive din nila. Napakakomportable na ng pakikisama namin sa isa't isa," saysay pa ni Jasmine ngadto sa GMA News.
Gidayeg usab niya ang pagka-propesyonal ni Alden busa wala gyud siya ka-feel og kiwaw.
Vivamax naglawig og maayo
Unom ka buwan na ang nilabay sukad gilusad ang Vivamax , aduna na kini kapin ka 600,000 subscribers.
Nasayran nga nag-una na usab kini isip entertainment app sa Google Play.
Gawas sa mga pelikula sa Viva, makita usab dinhi ang mga foreign movies nga ilang gi-distribute.
Atol sa virtual presscon sa miaging adlaw , gibutyag sa COO ug President sa Vivamax nga si Vincent Del Rosario nga duna pay dugang nakalinya nga mga "Tagalized' films ang angayan atngan.
Dili usab magpaulahi ang mga produkto sa Viva nga originally-produced series, documentaries, ug uban pa. Makita usab dinhi ang sikat kaayo nga mga concert nila ni Sarah Geronimo (Tala), ug Vice Ganda (Gandemic).
Kasamtangang gipistahan karon sa Vivamax ang mga pelikula nila ni Kim Molina and Jerald Napoles (Ang Babaeng Walang Pakiramdam, Ikaw at Ako at ang Ending, Pakboys), Xian Lim (Parang Kayo Pero Hindi), Kylie Verzosa (PKPH, The Housemaid), Sharon Cuneta ug Marco Gumabao (Revirginized), Andew E., Dennis Padilla, Janno Gibbs (Pakboys), Rosanna Roces, Ara Mina, Maui Taylor, Alma Moreno (Pornstar), Lovie Poe (The Other Wife), Rhen Escano (The Other Wife, Paraluman, Adan), Candy Pangilinan (ABWP), Cindy Miranda (Nerisa, Adan), AJ Raval (Death of A Girlfriend, Nerisa, Pornstar), Sunshine Guimary (Kaka) ug Eddie Garcia (Manoy).
Molugwa pud sa umaabot nga mga adlaw ang mga proyekto nila ni Anne Curtis, Sarah Geronimo, Aga Muhlach, Bela Padilla, Cristine Reyes, Empoy, Alessandra, Julia Barretto, Toni Gonzaga, Alex Gonzaga, Matteo Guidicelli, John Arcilla, JC Santos, Xian Lim, Andew E, Diego Loyzaga, Barbie Imperial, Carlo Aquino, JM de Guzman, Sue Ramirez, McCoy de Leon , Elisse Joson, ug uban pa.
Makita usab kini sa Japan, Singapore, Hong Kong, Malaysia, Middle East ug Europe. Sa sunod nga mga buean, ilusad kini didto sa Australia, New Zealand ug North America.
- Latest