Darna pud si Iza

Si Iza Calzado ang unang mulugwa nga Darna sa umaabot nga TV series sa ABS-CBN. Buot pasabot, siya maoy mopasa sa bato ngadto kang Jane de Leon.

Gibutyag ni Iza kahapon nga niadtong 2017, dihang si Liza Soberano pa ang bida sa movie version unta niini, gikuha na siya alang sa mao gihapon nga role.

Gani, giisip ni Iza nga pagbuot gyud sa Ginoo ang partisipasyon niya sa Darna series, sanglit niadtong kapuso pa siya, gitanyagan siya nga maoy mulupad isip Darna apan wala nahinayon. Si Angel Locsin ang nagbida sa unang TV adaptation sa GMA7. Nasundan kini og laing version diin si Marian Rivera ang bida.

“Finally, I can claim to be part of the Pinoy superhero history! I almost had the chance in the past, but God had other plans. I was not meant to be that Darna but he surely prepared me to play this Darna,” nagkanayon siya ngadto sa Philippine Star.

“Everything always happens in His perfect time. I call it Divine Timing. Being a hero during these challenging times is exciting and female one at that just means so much more.

Of course, I do recognize that with great power comes great responsibility. As cliche as it sounds, there is truth to this,” niya pa.

Matud ni Iza, nagkaistorya na sila ni direk Erik Matti ug direk Jerold Tarrog kabahin sa unsaon niya pag-atake ang maong role niadtong si Liza pa ang bida.

Wala nahinayon si Liza kay na injury ang iyang tudlo. Gihulipan siya ni Jane.

Si Matti ang unang direktor nga gikuha alang sa maong project. Ni give up siya ug gihulipan ni Tarrog. Ni give up sab si Tarrog niini. Wala pa mahibaw-i kinsay mogunit niining maong project nga sa sunod bulan na ipahigayon ang lock in taping.

Nasayran nga nagtraining na si Iza alang sa fight scenes niya kauban si Liza kaniadto, ug karon si Jane.

Thirty-ninth birthday ni Iza kagahapon. Lima ka mga tuig niyang gililong ang iyang partisipasyon sa Darna project sa ABS-CBN.

Heaven in, Barbie out

Si Heaven Peralejo na maoy bida sa comedy series nga "Pasabuy" nga ubos sa direksyon ni Xian Lim ug isalida pinaagi sa WeTV. Si Barbie Imperial maoy original nga bida niini kauban si kanhi PBB housemate Gino Roque. Malakip sab sa cast sila si Ella Cayabyab, MJ Cayabyab, Ralph Malibunas, ug Gail Banawis, Kim Perez, ug TikTok star Nana Silayro, diin my special appearance pud ang rock band I Belong To The Zoo. Kanhi magkatrabaho sila si Heaven ug Barbie sa ABS-CBN afternoon series Bagong Umaga, diin nahimong bida ang nahauna human usab nibiya sa Star Magic ang original nga bida nga si Julia Barretto. Samtang, "personal reasons" ang gitumbok nga hinungdan sa pagbuhi ni Barbie sa Pasabuy.