Best Actress award nay tinguha!

CEBU, Philippines — Bisan og may mga nagdasig niya nga mosalmot sa Miss Universe Philippines ug bisan og pasok pa ang iyang edad, dili na interesado si Ann Colis nga subli pang mosalmot og beauty pageant.

Kahinumduman nga nimugna og kasaysayan si Colis sanglit siya ang unang Pinay nga nidaog isip Miss Globe niadtong 2015. Batch sila ni Pia Wurztbach sa Bb. Pilipinas sa maong tuig. Managsama sila nga nagmadaugon sa ilang international pageants.

Hinungdan nga adunay mga nanawagan aron moapil siya sa MUP sanglit lig-on matud pa siya nga pambato alang sa Miss Universe 2021. Apan, dili na si Colis.

"It’s not as maingay like the other beauty pageants but I’m already ok. I think I’m already contented with what I achieved when it comes to pageantry. I’m okay with that because it’s one of the turning points in my life. It opened a lot of opportunities for me,” nagkanayon siya ngadto sa PEP.

Gani gibutyag ni Colis nga pagdaug niya isip Miss Globe, gidapit siya sa Miss World Philippines aron paapilon sab sa ilang pageant, apan nibalibad na siya. Unya, nilarga siya paingon sa Amerika aron manimpad sa international modeling scene. Nagmalampuson si Colis sanglit nakabaton siya og mga proyekto sa Amerika ug sa United Kingdom.

“It’s naturally overall a great experience. It really molded me to someone that is tough, someone that is able to understand more. Kasi noong pagdating ko doon, parang I don’t have a family there, I’m just alone. Kailangan ko talagang maghanap ng reason on how to make things work. Masaya siya, I was able to work with a lot of top photographers abroad. So, it’s a great experience for me, plus I was able to travel because of work."

Gani nakaangkon pa siya og special participation sa television series nga “Ballers” nga gibituonan nila ni Dwayne “The Rock” Johnson ug Russell Brand.

Karon, nibalik na sa Pilipinas si Colis aron manimpad isip artista ubos sa pagdumala sa Virtual Playground, ang talent agency sa Realty Entertainment Inc. nila ni Dondon Monteverde ug Charlie Dy.

Desidido siya nga buhaton ang tanan aron lamang matuman ang iyang pangandoy nga makadaug og best actress award puhon, hinungdan nga andam na siya kun ugaling hatagan siya og sexy roles.

Share your blessing

Giklaro ni Melai Cantiveros nga dili big deal para niya ang iyang pagtabang kaniadto sa karon sikat na nga teen star nga si Francine Diaz. Tsika niya sa Magandang Buhay sa nilabay nga adlaw, nagkatrabaho sila kaniadto ug nasulti sa inahan sa kaniadto child star pa nga si Francine nga naglisud sila sa pinansyal nga aspeto. Si Melai ang nitabang aron mabayran nila ni Francine ang ilang electric bill. Matud ni Melai, “Very important yan sa akin para pamarisan tayo ng iba. Binigyan tayo ng blessing para ibigay din yong blessing sa iba.”

Pasensya, paabot lang

Pagpasensya ang hinagiban sa karon nagkasikat na nga si Belle Mariano aron mulahutay siya sa showbiz. Ang bida sa trending karon nga digital series nga "He's Into Her" kauban ni Donny Pangilinan niingon, "Feeling ko mas nag-register sakin...mas tumatak sakin na importante yung patience sa industry na 'to noong dumaan ako ng awkward stage. Dumating din yung stage na hindi na ko hopeful. ‘Anong nangyayari ba't ganito? But then feeling ko ang nag-push talaga sa'kin ay yung passion ko for what I do. Importante talaga ang patience. First lead ko and I'm surrounded by such an amazing people. Good things take time. Naaalala ko sinabi ko rin ito sa sarili ko yung time na maaabot ko rin yung gusto ko."

"I love you"

Nagbilin og "I*y" comment si Dominic Roque sa latest Instagram photos ni Bea Alonzo. Suma sa mga netizen, i love you ang pasabot sa maong komento ug kunpirmasyon kini sa relasyon sa duruha hinungdan nga gikilig ang ilang fans. Kasamtangan nga nagbakasyon sa Amerika si Bea sa dili pa siya magsugod sa iyang projects isip bag-ong kapuso. Nasigpatan silang duha ni Dominic nga dungan nga niabot didto sa Los Angeles airport sa nilabay nga semana.

Siya ang third party?

Human gihimakak ni Cindy Miranda ug Girltrends member Maika Rivera nga sila ang third party sa panagbulag ni Aljur Abrenica ug Kylie Padilla, adunay bag-ong ngan ang nitumaw ug gitumbok nga hinungdan. Kini mao ang ex-Girltrends member nga si Erin Ocampo. Nagka relasyon si Ocampo ug Michael Pangilinan kaniadto diin aduna silay usa ka anak. Ang tsika nga nasagap sa PEP mao nga nagkasulti na matud pa sila si Ocampo ug Kylie apan wala pay kunpirmasyon.

Dili na pwede

Gibasura sa Makati Prosecutors Office ang reklamong slight physical injuries batok sa aktor nga si Tony Labrusca. Kini kay ni-prescribe na ang maong reklamo. Buot pasabot, natapos na ang gitakda nga panahon aron ipasaka ang maong reklamo. Nasayran nga ubos sa balaod, ang kasong slight physical injuries, kinahanglang maduso sulod lamang sa duha ka mga bulan gikan sa pagkahitabo.Ang giingong slight physical injuries nga nahimo ni Labrusca nahitabo niadto pang Enero, apan ang reklamante nga si Dennis Ibay Jr. niduso og reklamo niadto pa lamang Hunyo, o unom ka mga bulan human sa giingong hitabo.

Dili tinuod mobalhin

Gituldokan na ni Shaina Magdayao ang mga tsika nga mobalhin siya ngadto sa GMA-7. Nag-upload si Shaina og photo text sa iyang IG account nga nagpasabot nga kapamilya forever siya. Unya iyang giklaro nga pabilin siya sa ABS-CBN ug padayon siya isip cast sa FPJ's: Ang Probinsyano.