Paglipat ni Bea, ninega ng ibang loyalista ng Kapamilya

Naaliw ako sa mga comment sa Twitter ngayong nasa GMA 7 na sina John Lloyd Cruz and Bea Alonzo. Halibawa, sana raw ang next na i-hire ng Kapuso ay magagaling na writer.

Trending na kasi si Bea kahapon dahil nga giveaway na ang hint na siya na ang bagong Kapuso na pipirma ng kontrata sa network ngayong hapon.

Hindi rin lahat ay happy, ang daming netizens na nega sa paglipat ni Bea. Kesyo raw kaya lang naging movie queen si Bea ay dahil sa ABS-CBN at Star Cinema.

Basta nakakaloka ang mga comment lalo na nga at ni-label ni Bea last year na fake news ang issue na lilipat siya ng network dahil terminated na ang contract nila sa ABS-CBN matapos ngang hindi sila makakuha ng franchise, ‘yun naman pala, darating din ang oras na lilipat siya ng network.

Meron namang fans na nagre-request na pagsamahin agad sila ni Marian Rivera sa isang drama series.

Anyway, magkakaalaman na ngayon ng mga gagawin ng aktres sa GMA.