2018 pa sila engaged!

CEBU, Philippines — Pormal na nga gibutyag ni Yam Concepcion pinaagi sa iyang IG account niadtong Martes sa gabii nga niadtong December 31, 2018 pa didto sa Niseko, Japan sila na-engaged sa iyang US based boyfriend nga si  Miguel Cuunjieng. Gumikan niini, labihan ang kalipay ni Miguel nga hingpit na gyud nga gipaambit ni Yam ngadto sa publiko ang ilang engagement kay dili matud pa lalim ang pagtago niini sa hataas nga panahon. “Better half” na ang tawag ni Miguel kang Yam. Nagtrabaho sa usa ka bangko sa New York si Miguel.

Xian, umaabot  nga Kapuso…

Huhungihong karon nga adunay negosasyon tali sa Viva Artist Agency ug sa GMA7 alang sa pagbalhin na ni Xian Lim sa Kapuso Network. Suma pa sa PEP Troika, si Xian ang gikatahong ipares kang Jennylyn Mercado alang sa umaabot nga drama series sa aktres.

Series ug movie kang Loydie

Samtang tsika sab sa PEP Troika nga usa ka drama series ug usa ka pelikula ang gitanduan ni John Lloyd Cruz nga himuon niya sa GMA Network. Sa nilabay nga adlaw, may nigawas sab nga tsika nga unahon paghimo ni Loydie ang pelikula nga gam-on ubos sa GMA Films aron pagsuta kun interesado pa ba gyud niya ang publiko basi unya sa kita sa maong pelikula nga hayan sa livestreaming masalida.

Reunion project

Adunay reunion project sila si Paulo Avelino ug Charlie Dizon. Kini maoy gipahibawo ni Charlie niadtong nilabay nga adlaw pinaagi sa iyang Instagram account dungan sa pag-upload og hulagway nila ni Paulo. Gi-tag niya sa maong post ang Project 8, ang production team nga maoy naggama sa Fan Girl nga nihakot og walo ka awards gikan sa Metro Manila Film Festival sa nilabay nga December lakip na ang best actress ug best actor para kang Paulo ug Charlie. Ang Fan Girl nga ubos sa direksyon ni Antonette Jadaone maoy unang project nila ni Paulo ug Charlie.

Priority ni Jake

Gibutyag ni Jake Ejercito nga nausab na gyud ang iyang priority kun ang iyang kinitaan sa showbiz maoy hisgutan. Matud niya, iyang gi-invest ang iyang sweldo alang sa iyang anak nga si Ellie. “There’s no better reward than getting good feedback from your director and co-actors. But with my first salary, I also invested it. Siyempre may nine-year-old na ako. She’s turning 10 this year,” nagkanayon siya ngadto sa PUSH. Si Ellie, anak ni Jake ug sa iyang ex-girlfriend nga si Andi EIgenman. Kasamtangan karong gihimo ni Jake ang rom-com nga Marry You, Marry Me isip ka love triangle nila ni Paulo Avelino ug Janine Gutierrez. Niadtong Sabado, nipirma og kontrata si Jake sa Star Magic.

Aprub ni Mommy

Hingpit na gyud nga gimatud-an ni Heart Evangelista nga okay na ang relasyon  tali sa iyang bana nga si Sorsogon Governor Chiz Escudero ug sa iyang mommy Cecile Ongpauco. Sa latest vlog ni Heart, gipakita niya nga nag-istorya sila si Chiz ug Cecile, samtang nagluto siya og pasta kauban ang iyang igsuon nga si Camille. Dinhi gidayeg pa ni Cecille ang relasyon nila ni Heart ug Chiz nga matud pa nasentro sa paglambo sa usa’g-usa.  "You know what I like about your marriage? You allow each other to grow. You don't stunt her growth.” Nagkanayon si Cecile ngadto kang Chiz. Kahinumduman nga supak gyud si Cecil kang Chiz kaniadto hinungdan nga wala kini ug ang iyang bana nga si Rey nitambong sa kasal nila ni Heart ug sa gobernador niadtong 2013. Nahisgutan sa maong vlog nga 2015 pa nagkauli ang maayong kabubut-on nilang tanan. Ug gikumpirma sab ni Cecile sa maong vlog nga lima ka tuig na silang nagbulag sa daddy ni Heart nga si Rey.

Gisunod lang ang pinitik sa kasingkasing…

Hingpit na nga nitingog ang PBA player nga si Scottie Thompson kabahin sa trending nga balita kabahin sa pagpakasal niya og laing babaye human siya na-engaged kang Pau Fajardo niadtong Enero human usab sa walo ka tuig nga relasyon.

Daghang negatibo nga reaction ang gibato ngadto kang Thompson gumikan kay kalit na lang nga nabalita nga ang flight attendant nga taga Pampanga nga si Jinky Serrano ang iyang gipakaslan niining bag-o lang.

Ang tsika, duha ka mga bulan pa lamang nga managkaila sila si Thompson ug Serrano hinungdan nga nakugang ang netizens kay engaged naman siya kang Fajardo apan dili kini maoy iyang gipakaslan.

Sa usa ka facebook post niining bag-o lang, nipalanog na si Thompson sa iyang habig dungan sa pagpika sa iyang bashers nga matud pa niya mga hilabtanon.

“2 months na kaming hiwalay kita niyo nang deleted na mga pic bawat isa samin. Bawal bang may privacy? Gusto manahimik ng tao nangingialam kayo.

Buhay iyo ba ‘to? Okay sige. Dahil ito gusto niyo para matapos na. Sa mga nagtatanong at sa mga gumawa pa mga dummy account thank you sa effort niyo alam ko ito lang gusto niyo marinig at gusto niyo trending kayo,” tipik sa pamahayag ni Thompson.

Giangkon sab sa Ginebra star nga siya maoy rason sa panagbulag nila ni Fajardo.

“AKO REASON NG HIWALAYAN NAMIN AKO ANG MAY MALI NG LAHAT. Mas masarap sundin yung puso natin kung saan masaya. Alam ko ito gusto niyong marinig. Lalaki kong tatanggapin ang lahat ng ibabato niyo sakin.”

Gi-delete na ni Thompson ang mao niyang post.

Wow, Jodi

Ni-graduate na pinaagi sa usa ka virtual ceremony si Jodi Sta. Maria. Bachelor of Science in Psychology  ang natapos ni Jodi, diin nakadawat sab siya og Dean's Merit. Matud ni Jodi, ang maong pasidungog ihatag ngadto sa estudyante nga naa sa dean’s list o honor student sa kinatibuk-ang panahon sa ilang pag-eskuyla.

Bunga sa online selling

Gipasigarbo ni Lovely Abella sa pinaagi sa iyang IG account ang tulo ka andanang balay nga napalit niya ug sa iyang bana nga si Benj Manalo gamit ang ilang kinitaan sa online selling. Caption ni Lovely: Biyaya mula sa langit sa pagsisipag mag online selling." Niadtong Marso, nakapalit sab sila og bag-ong sakyanan pinaagi sab online selling.