CEBU, Philippines — Usa sa gikabisihan karon ni Heart Evangelista mao ang pag-umol og kaugalingon niya nga beauty company. Gipamatod-an sa aktres ang pagka-maayo niya mobalanse sa iyang oras.
Pagpanggga sa anak
Gibutyag ni Richard Guttierez nga wala gyud siya magkulang sa paghatag og tambag sa iyang anak nga si Juliana. Dili siya istrikto kun pananglitan maghisgot og love life ang iyang anak apan dili pud siya mapakyas pagpahimagno niini ilabi na sa pagkab-ot og hukom sa kinabuhi niini.
Joshua giabagan ni Pen
Ang beteranong aktor nga si Pen Medina maoy usa sa mga mentor ni Joshua Garcia sa pag-arte. Aminado ang aktor nga daghan pa siya og angayan nga makat-onan busa nagpa-enroll siya kaniadto sa acting workshop ni Pen.
Nagkontakay gihapon
Duna gihapo’y komunikasyon si Erich Gonzales sa kanhi niya leading man nga Thai actor nga si Mario Maurer. Kahinumdoman nga nagkauban sila si Erich ug Mario sa pelikulang Suddenly It’s Magic niadtong 2012. Matud pa ni Erich nga kanunay gihapon sila nga magkumustahay ni Mario.
Aiko mag-kongresista
Pormal na nga gianunsyo ni Aiko Melendez nga modagan siya pagka-kongresista sa 5th district Quezon City sa umaabot nga piniliay. Matud pa sa aktres nga dili na bag-o kaniya ang politika sanglit nakahuman na siya og tulo ka termino sa iyang pagka-konsehal sa Quezon City. (Sanden J. Anadia)
Trese ug Fan Girl gikagobtan
Mitungtong na sa no.1 kagahapon ang animated series mga Trese sa Top 10 sa Netflix Philippines.
Nasayran nga si Liza Soberano ang naa sa likod sa tingog sa bida sa maong animated series.
Samtang ang pelikulang Fan Girl maoy nahimutang sa ikaduhang spot. Sila si Charlie Dizon ug Paulo Avelino maoy mga bida sa Fan Girl nga kabahin kaniadto sa Metro Manila Film Festival sa miaging tuig.
40 ka artista mipirma og kontrata sa ABS-CBN
Nagmalampuson ang bag-ohay lang nga Star Magic Black Pen Day kun diin niabot ngdto sa 40 ka mga artista ang nipirma og kontrata sa ABS-CBN.
Nangulo sa maong kalihokan niadtong Sabado mao ang Star Magic and ABS-CBN entertainment production head nga si Laurenti Dyogi.
“To date, Star Magic is the biggest talent agency in the country and we continue to grow our family. There is strength in numbers. Our actors, singers, hosts, comedians and social media influencers will work together, collaborate and create content for various platforms. We dream to grow bigger and go global. To see our artists perform alongside the best artists in the world is what we will strive to achieve,” matud pa ni Dyogi .
Nasayran nga duna pud silay kolaborasyon sa uban nga talent managers.
Nalakip sa maong contract signing event mao sila si John Arcilla, Sandino Martin, Marc Solis, ug Angeline Quinto.
Nipirma usab og kontrata sila si Kaila Estrada, Arabella Davao, Mary Joy Apostol, Zabel Lamberth, Rans Rifol, Vance Larena, Maureen Wroblewitz, Paolo Gumabao, Luis Vera-Perez, Sela, Migo Manikan, Vitto Neri, ug Jake Ejercito.
Pasok pud sa listahan sila si Gigi De Lana, Zach Castaneda, Shanaia Gomez, Karina Bautista, Aljon Mendoza, Jayda, ug JC Alcantara. Nipirma pud og kontrata ang mga artista nga gikan sa ilang ka-partner nga talent agencies ug kini sama nila ni Alyssa Muhlach ug Kiko Estrada sa ALV Events International, ingon man usab sila si Krystle, Lara Maigue, Moira Lacambra, Aikee, Poppert Bernadas, Gian Magdangal, Davey Langit, ug Anthony Barion sa ATEAM ni Ogie Alcasid.
Wala usab nagpaulahi ang singers nga sila si Sab ,Recio, Janine Berdin, Sheena Belarmino, JM Yosures, iDolls, Ashley Del Mundo, Tan Roncal, Kiara Takahashi, Richard Juan, Lou Yanong, Kobie Brown, ug Andi Abaya.