CEBU, Philippines — Gipanganti ni Alywyn Uytingco nga buhaton niya ang tanan, mahiusa lang og balik ang iyang pamilya. Kini taliwala sa taho nga nakigbuwag na si Jennica Garcia niya kauban ang duha nila ka mga anak. Sa usa ka IG post niining bag-o lang, nagkanayon si Alwyn: "Araw-araw, ito ang magiging dasal ko. Ito ang kakapitan ko. Ito ang papangarapin ko. Ito ang aasahan ko. Na balang araw, maging maayos na ang lahat. Alam ko hindi magiging madali.. alam ko marami ang kailangan harapin. Pero mas pipiliin kong tawirin ang tulay na ‘to, kahit ikamatay ko, susubukin ko dahil alam ko na ikaw (at mga anak natin) ang sasalubong sa’kin sa dulo."
Ella vs. Ryza!
Himuan og TV adaptation sa Viva ang ilang classic movie nga “Nakagapos na Puso” nga gibituonan nila ni Sharon Cuneta ug Lorna Tolentino kaniadto. Si Ryza Cenon ang modala sa papel ni Sharon, ug si Ella Cruz sa kang Lorna. Sa TV5 kini pasalida karong tuiga.
Dili lalim
Giangkon ni Awra Briguela ngadto kang Aiko Melendez nga nasakitan gyud siya og maayo sa dihang natangtang siya sa FPJ’s: Ang Probinsyano niadtong 2019. Sa latest vlog ni Aiko, nagkanayon si Awra: “Nung last taping day ko is my birthday kaya mas lalong doble yung sakit. “3 years ako sa ‘Ang Probinsyano,’ nawala ako dun ng 2019, nagstart ako ng 2016. First taping day ko, birthday ko, last taping day ko, birthday ko rin.” Giisip na hinuon kini ni Awra nga lakang aron molambo pa ang iyang pagkatawo.
Nakuyawan nga naghinamhinam
Kumpirmado nga sila si Sef Cadayona ug Mikee Quintos ang mga bida sa Pepito Manaloto: Ang Unang Kwento. Nakulbaan ug naghinamhinam ang duruha niining maong project sanglit consistent toprater ang maong sitcom nga gibituonan nila ni Michael V ug Manilyn Reynes. Hinuon, naistorya na nila ang nahisgutang veteran stars, ug todo suporta kini kanila.
Ipaila na karon
Giunhan sa The Boobay & Tekla Show ang GMA Network sa official announcement niini kabahin sa pagbalhin na sa komedyante nga si Pokwang sa GMA7. Si Pokwang maoy guest sa maong show karong Domingo, ug ilang gipatag-an kinsay ilang makauban sa maong episode. Klaro kaayo ang nga si Pokwang ang ilang pasabot. Karong adlawa pa ang official announcement sa network mahitungod ni Pokwang.
Wala nay bashers
Wala na matud pay bashers ang banggiitang broadcast-journalist nga si Korina Sanchez. Tsika niya ngadto kang Cristy Fermin niadtong Miyerkules, naglikay na sab siya sa mga negatibo nga mga tawo. Dili na matud pa siya mutubay ug wala na siyay post nga kabahin sa politika aron walay gubot. Positibo na matud pa karon ang iyang disposasyon. Sa nilabay nga tuig giinganlan si Korina og “ Clapback Queen” sanglit pangtubagon gyud niya ang iyang bashers. Apan matud ni Korina, ang mga nagpataka’g tabi lang batok sa ABS-CBN ang iyang gipangtubag.
Kilig uy
Gikilig ang mga netizen sa simple nga “happy birthday” greeting ni Raymart Santiago ngadto sa iyang hinigugma nga si Jodi Sta. Maria niadtong June 16. Gisaulog ni Jodi ang iyang 39th birthday, ug usa sa mga unang ni-greet niya mao si Raymart. “Happy birthday” nga may tulo ka heart emoji lang ang greeting ni Raymart nga gitubag og, “thank you” sa aktres nga may sukip nga heart. Apan gikilig ang mga nakakita niini.
Balik trabaho na
Nagpasalamat si Janella Salvador nga balik trabaho na matud pa siya human sa 15 ka mga bulan. Sa usa ka IG post niadtong Miyerkules, gi-tag niya ang ASAP Natin ‘To sa maong post, nga nagpasabot nga molugwa siya sa maong Sunday variety show. Katapusang show ni Janella mao ang “The Killer Bride” nga gibituonan ni Maja Salvador. Niadtong Oktubre, nanganak siya didto sa UK sa anak nila ni Markus Patterson. Niadtong Enero, hingpit nga gipaila ni Janella sa publiko ang ilang anak nga si Jude.
Gimingaw sa showbiz
Sila si Bea Alonzo ug Anne Curtis ang buot makatrabaho ni Manila City Mayor Isko Moreno kun mobalik siya sa showbiz. Kini maoy iyang gibutyag sa interview ni Karen Davila niya sa wala pa ipahibawo nga siya maoy bida sa historical movie Andres Bonifacio sa direksyon ni Erik Matti. June 12 o niadtong Independence Day gipahibawo ang mahitungod sa maong pelikula. Samtang giangkon ni Moreno sa maong interview ni Karen nga gimingaw na siya sa showbiz.