CEBU, Philippines — Gimanduan sa korte si Nadine Lustre nga tahuron ang management contract tali niya ug sa Viva Artist Agency.
Buot pasabot, dili mahimo nga modawat si Nadine og proyekto nga walay pagtugot sa nahisgutang talent agency.
Kana maoy unod sa resolusyon nga giluwatan sa Quezon City RTC kabahin sa petisyon nga giduso sa Viva batok kang Nadine human kini nipahibawo niadtong Enero nga dili na siya modawat og proyekto nga mag-agi sa maong talent agency sanglit gikansela na niya ang ilang management contract sanglit dili kini makatarunganon alang niya.
Gumikan niini, gipahibawo ni Nadine nga nag-self manage siya, o siya na ang mudumala sa iyang kaugalingong showbiz career.
Apan matud sa korte, balido pa ang management contract ni Nadine ug sa Viva. Matud sa korte namatud-an sa Viva nga gikontrata sila ni Nadine isip “sole and exclusive manager for respondent’s exercise of profession in the show business.”
Dugang niini, bisan og menor de edad pa si Nadine niadtong gi-bag-o ang iyang kontrata nga mulungtad pa hangtud 2029, balido kini sanglit giabagan ang aktres sa iyang mga ginikanan niadtong tungora.
“The contracts entered into by Nadine with Viva were executed with the assistance and presence of her parents at the time she was a minor. Nadine’s contracts with Viva mutually benefitted from their contractual relationship."
“My healthiest”
Giklaro ni Camille Prats nga wala siya’y sakit, taliwala sa mga komento nga dili maayo tan-awon ang iyang lawas karon nga fit na siya. Sa usa ka IG post, nagkanayon siya: "To those sending comments about my body, I am at my healthiest po. I know I cannot please all of you, but I don't see anything wrong with my body. "As long as I am healthy and strong, oks na ako dun. Sa mga hindi natutuwa, pasensiya na po. I'm really happy where I am physically and I hope to inspire more people to choose a healthier lifestyle. Love and light!!"
Ka cute…
Naliki si Ellen Adarna sa iyang anak nga si Elias Modesto human kini nideklara og, “I’m pretty, mama.” Sa usa ka viral video nga gi-upload ni Ellen niining bag-o lang, nakita nga naligo pa si Elias, busa giingnan kini niya nga mo-emote lamang usa siya samtang maghuwat nga mahuman ang anak. Kalit nga naghisgot si Elias og “pretty”. Busa gipangutana ni Ellen iyang anak kinsay pretty. Ug niingon si Ellen, I’m pretty. Apan nitubag si Elias og, “I’m pretty.” Dinhi na niingon si Ellen og, "No, you're handsome. I'm pretty." Apan, cute kaayo nga ni-isister si Elias og, "I'm pretty, mama."
Nilinya sila uy!
Duha ka mga netizen ang nidepensa nila ni Marian Rivera ug Dingdong Dantes batok sa pasangil nga wala nilinya ang magtiayon sa ilang pagpabakuna og anti-Covid niining bag-o lang. Ang netizen nga may twitter handle @ itzme_ako, nipakita og hulagway diin naglinya gyud ang magtiayon. Niingon pa kini nga isagpa matud pa niya ang maong hulagway ngadto sa nagpataka og yawit. Laing netizen nga may twitter handle @jumarjomar, nag-upload sab og hulagway niya, diin nagsunod matud pa niya sa linya sila si Boobay, ug ang Donyan.
“Mutual decision”
Magpabilin ang ilang panaghigalaay bisan pa og nibalhin na ngadto sa Crown Artist Management si Jasmine Curtis Smith. Kini maoy giklaro sa kanhi manager ni Jasmine sulod sa usa ka dekada nga si Betchay Vidanes nga nahinabi sa PEP Troika. "Sobrang maayos ang paghihiwalay namin ni Jasmine. It’s just an end of era, tapos na. Mutual decision ang nangyari. Nag-usap kami tapos tinanong niya ako tungkol sa kanyang napupusuan na lipatan."
Boto gyud si mader
Suportado gyud ni Teresa Loyzaga ang relasyon sa iyang anak nga si Diego ngadto kang Barbie Imperial. Niining bag-o lang, nag-upload si Barbie og sweet photos nila ni Diego pinaagi sa Instagram. Nikomento gyud si Teresa pinaagi sa pag-ingon nga nalipay ang iyang kasingkasing nga nagtan-aw sa duruha. Gi-tag pa niini ang mama ni Barbie.