Marian’s “Perfection!”

CEBU, Philippines — Nahugyaw ang 10 million Instagram followers ni Marian Rivera gumikan sa swimsuit photos nga iyang gibandera sa nilabay nga mga adlaw nga kuha atol sa ilang family vacation.

Hasta mga celebrity nipakpak sa kaanyag sa asawa ni Dingdong Dantes. Sila Si Ciara Sotto ug Mariel Rodriguez niingon og, “perfection!”  Si Chynna Ortaleza nikomento nga maka inspire ang kaanyag ni Marian.

Samtang si Aiko Melendez niingon nga “beautiful inside out” matud pa ang “Primetime Queen” sa GMA7, ug si Vice Ganda ni-comment nga "Vyurifulzzzzz!!!"

Hasta ang puti nga ilok ni Marian, wala sab makaipsot sa iyang fans. May usa ka follower nga niingon nga mas hayag pa ang ilok sa nahisgutan itandi sa iyang kaugmaon.

Si Marian sa iyang bahin nagpasalamat sa kinaiyahan kay na “recharged” matud pa siya.

Wow, Heart!

Laing blessing na sab ang gibida ni Heart Evangelista. Gawas sa pagka artista, influencer, fashion icon, painter, aduna  na puy bag-ong kalampusan si Heart: beach resort owner.

Yes, ug nahimutang kini sa Station Zero didto sa Boracay. Kini mao ang Harlan Beach Villa.

Gibida ni Heart ang pipila ka mga hulagway niini niadtong Domingo pinaagi sa iyang IG account ug ang mga nakakita, nangahugyaw gyud sanglit makadani kaayo ang mga lawak ug palibot niini. Gisiguro sab ni Heart nga maka-afford ang ilang mga kliyente nga pamilya ug mga managhigugmaay.

Gisiguro sab nila nga hugot nga mapatuman ang health protocols alang sa kaluwasan sa tanan./Gikan sa PEP

Real boobs…

Prangka nga gitubag ni Jessy Mendiola ang mga pangutana ug pagduda sa iyang followers kun retokada ba siya. Lakip sa mga pangutana nga iyang gitubag pinaagi sa iyang labing bag-ong vlog mao ang kabahin sa iyang boobs ug ilong, ingon man bra size.

Pangutana sa usa ka follower kun tinuod ba ang iyang boobs, hinungdan nga gipislit ni Jessy ang iyang dughan ug miingon nga, they’re real guys.”

 "Hindi ko na talaga kaya magpadagdag pa dahil bigat na bigat na rin ako sa aking hinaharap.

"Kaya ako nagpapayat noon dahil hindi ko na rin kaya ang bigat ng aking boobs.

"Real talk. Kasi nakukuba na ako and masakit sa likod."

Nalingaw sab siya nga hasta ang iyang bra size buot masayran sa iyang followers. Pero nitubag gihapon siya: 34B.  Ug ang iyang vital statistics kay, "34-25-38. Pag medyo bloated, 26 [inches] ang waist ko."

Giklaro sab niya nga dili retokada ang iyang ilong. Ni-niwang lamang matud pa siya karon ug ni-mature mao nga mas naklaro ang taliwtiw niya nga ilong. Tambag niya, “Mag-nose line lang kayo at mag-highlighter sa gitna ng ilong, tatangos din 'yan."

P500K per day?

Gibanabana ni Ogie Diaz nga naa sa P400-500 thousand per taping day ang talent fee ni Bea Alonzo karon sanglit giisip man siya nga usa ka A-list actress o primera klase. Taliwala kini sa taho nga gibalibaran matud pa si Bea sa GMA Network sanglit gimahalan ra sa gibungat nga talent fee kun mohimo siya og teleserye sa GMA7. Apan ang maong taho gihimakak sa manager ni Bea nga si Shirley Kuan. Suma pa ni Kuan dili tinuod nga gibalibaran sila sa GMA7, nga kun sabton, padayon pa ang negosasyon karon sa duha ka mga kampo. Si Ogie, manager ni Liza Soberano busa nasayud sab gyud siya pila ang haom nga talent fee sa usa ka artista.

Si Jasmine gyud

Kumpirmado nga ubos na sa pagdumala sa Crown Artist Management Inc. ni Maja Salvador ang aktres nga si Jasmine Curtis Smith. Gitawag siya og, “Indie Queen” sa nahisgutang talent agency sanglit unang nakita ang iyang abilidad sa pag-arte pinaagi sa indie film nga Transit niadtong 2013 diin nidaog siya nga best supporting actress sa Cinemalaya.

“Blessed beyond words”

Maglisud pa og tuo si Charlie Dizon nga hingpit na nga isalida sa Netflix karong June 17, ang iyang pelikula nga naghatag niya og duha ka best actress awards nga mao ang “Fan Girl.” Sa usa ka IG post niining bag-o lang, gilab-as ni Charlie ang iyang kasinatian pinaagi sa pag-upload og behind the scene photos sa pagmugna pa lamang sa maong pelikula. Niingon sab siya,   “Exactly 2 years ago, I auditioned for Fan Girl and now it has made its way around the world and in a few days, it will be streaming on Netflix. Blessed beyond words. Thank you, Lord.”