Iba’t ibang movies at series ng LGBTQ, mapapanood uli

Uy puwedeng dagdagan ng kulay ang pagdiriwang ng Pride Month kasama ang iWantTFC, kung saan mapapanood ang iba’t ibang nakakaaliw at nakakaantig na pelikula at seryeng ibinibida ang mga kwento ng LGBT community.

Mapapanood dito ang blockbuster hits ni Vice Ganda na Girl, Boy, Bakla, Tomboy, This Guy’s in Love with U, Mare, at Petrang Kabayo.

Tungkol naman sa pagpapakatotoo sa sarili at pamilya ang Die Beautiful at The Panti Sisters ni Paolo Ballesteros.

Tampok naman ang mga karakter na umibig sa parehong kasarian sa Ang Dalawang Mrs. Reyes nina Judy Ann Santos at Angelica Panganiban, Bakit Lahat ng Gwapo May Boyfriend?! nina Anne Curtis-Smith, Dennis Trillo, at Paolo Ballesteros, at The Third Party nina Angel Locsin, Sam Milby, at Zanjoe Marudo.

Pagiging “out and proud” ang tema ng mga iWantTFC original series na Oh, Mando nina Kokoy de Santos at Alex Diaz at Fluid ni Roxanne Barcelo, at My Single Lady kung saan tatahakin ni Jodi Sta. Maria ang mga pagsubok ng buhay kasama ang tatlong drag queens. Tampok naman ang magkakaibigan na sabay-sabay madidiskubre ang tunay nilang pagkatao sa Mga Batang Poz at Manilennials.

Kung kilig ang hanap, available sa iWantTFC ang mga boys’ love (BL) series tulad ng Hello Stranger nina Tony Labrusca at JC Alcantara, pati ang mga pinagkaguluhan na Thai series ng BrightWin na 2gether The Series at Still 2gether, at A Tale of Thousand Stars, Theory of Love, The Shipper, Dark Blue Kiss, at Come To Me.

Mababalikan din dito ang iba’t ibang classic films na Markova The Comfort Gay, Bala at Lipstick, Facifica Falayfay, Manay Po, at Ay Manuela, pati na ang restored versions ng T-Bird at Ako at In My Life.