Beauty kumpirmado na sa Kapuso
Kumpirmado na ang bali-balitang lilipat na sa GMA Network ang Spanish-Filipina actress na si Beauty Gonzalez.
Matatandaang 2018 pa nang unang lumabas ang mga haka-hakang magiging Kapuso na ang aktres matapos mapabalitang bumisita siya sa GMA Network Center para kausapin ang ilang Kapuso executives.
Uminit pa ang mga ispekulasyon nang mag-guest si Beauty sa Kapuso game show na Celebrity Bluff ni Eugene Domingo.
At ngayon nga ay kumpirmado nang mapapanood sa GMA 7 si Beauty na kabilang sa isang upcoming soap.
Excited na ang fans ni Beauty sa gagawin niyang programa at kung sinong Kapuso stars ang makakatrabaho niya rito.
Nang hindi matuloy unang planong niyang paglipat sa GMA ay dun niya ginawa ang Kadenang Ginto nila ni Dimples Romana na nagpasikat talaga sa character nilang sina Romina at Daniela.
Nagka-issue noon na in real life ay nagkaroon sila ng ‘competition’ pero hindi na nila ‘yun pinalaki.
Sa Kadenang Ginto rin sumipa nang bongga ang career ng Gold Squad.
Nauna nang napanood si Beauty sa TV5, sa I Got You with RK Bagatsing and Jane Oineza after na nawalan ng franchise ang ABS-CBN.
- Latest
