Cherie Gil ‘di na pinalitan, tsinugi na lang

Mga naka-lock in na ‘di kasali sa taping, wala nang allowance

Hindi na pala pinalitan si Cherie Gil sa GMA teleserye na Legal Wives starring Dennis Trillo, Alice Dixson, Bianca Umali and Andrea Torres.

Instead umano na kumuha ng replacement, tsinugi na lang daw ang character nito matapos ngang umayaw ang mahusay na actress dahil diumano’y nagkaroon sila ng disagreement ng director (Zig Dulay) ng teleserye na hindi pa nag-uumpisang umere.

Ayon kay Manay Lolit Solis, very tight daw talaga ang budget ng mga teleserye ngayon dahil sa quarantine (sa hotel) pa lang ng mga mga kasali sa isang teleserye, malaking gastos na. Ganundin sa swab at disinfection sa pinagso-shootingan nila.

At kung before raw ay may allowance ang mga naka-lock in pero walang mga eksena, ngayon daw ay wala na. Free meal na lang at bawal lumabas.

Isa ito sa pinag-usapan kahapon sa episode 99 ng number digital talkshow na Take It... Per Minute, Me Ganun! with Nay Lolit, Nay Cristy Fermin and Mr. Fu.