Pinangga ni Ivana

Nahugyaw si Andrea Brillantes sa birthday gift ni Ivana Alawi kaniya niadtong March 12. Sa latest vlog sa “Huwag Kang Mangamba” star, gibutyag niya nga gihatagan siya og Gucci bag ni Ivana nga wala niya damha. Suma pa sa PUSH, ang maong bag--Gucci Ophidia Mini Round GG Flora Chain-Strap Backpack—nagkantidad og P47,062.05.

Welcome back, Optimum Star!

Balik telebisyon na matud pa si Claudine Barretto. Aduna siyay umaabot nga teleserye nga ABS-CBN Entertainment ang mo mugna ug sa TV5 isalida. Mahinayon pud ang iyang comeback movie ubos sa Boracho Films.

Duha lang

Duha ka mga anak ang plano ni Alex Gonzaga sa musunod nga lima ka tuig. Kini iyang gibutyag sa iyang latest vlog kauban ang iyang bana nga si Mikee Morada. Gikasal ang duruha sa nilabay nga tuig, ug sukad gibutyag ni Alex nga minyo na sila, makadaghan na siya nasaypan nga mabdos na. Apan sa maong mga higayon niingon si Alex nga busog lang gyud siya, ug nga kun magsabak na siya, dili niya itago sa publiko.