Ellen: “Expect a very simple wedding”

CEBU, Philippines — Simple ra ang mahitabong kasal nila ni Ellen Adarna ug Derek Ramsay karong tuiga.

Kini maoy gipaniguro ni Ellen sa dihang nainterview sila sa writer nga si G3 San Diego niining bag-o lang.

“I told him my dreaming wedding. I just want to elope.”

“I don’t want a big wedding. I don’t want to wear gown, like all that fancy whatever. I hate gowns.”

Matud ni Ellen dili siya fan og bonggang kasal. Ang tumong matud pa sa kasal mao nga minyuan niya si Derek, ug dili aron makasul-ob siya’g gown o aron ingnon nga siya’y labing guwapa nga bride sa tibuok kalibutan.

“We actually spoke this morning. Meron kaming naisip the purpose of this… ‘I want to marry you. I’m not gonna marry you because I want to wear a gown o I want people to look at me and think I’m the most beautiful bride in the world. That’s not my point.”

Na engaged sila si Ellen ug Derek niadtong March 30.

Uyab gyud lagi!

Hingpit na nga giangkon ni Kristoffer Martin ang relasyon nila sa iyang co-star sa GMA7 afternoon series nga “Babawiin Ko Ang Lahat” nga si Liezel Lopez. Magsuon silang duha sa maong serye.

Ang pag-angkon ni Kristoffer giluwatan niya sa The Boobay & Tekla Show niadtong Domingo sa gabii.

February 2021, dihang gibalita sa Philippine Entertainment Portal nga nagbuwag na sila si Kristoffer ug ang iyang partner sulod sa pito ka mga tuig nga si AC Banzon. Nigawas ang ngalan ni Liezel isip third party, apan nagpakahilom si Kristoffer. Adunay upat ka tuig nga anak babaye sila si AC ug Kristoffer nga mao si Pre.

Apan sa Boobay & Tekla Show, dungan sa pag-angkon sa ilang relasyon ni Liezel, gipadayag ni Kristoffer nga makigbisog siya para niini.

“Yes and yun ang ginagawa ko ngayon... namin ngayon. Lumalaban kami parehas.”

Gitubag sab niya ang pasangil nga maluibon siya, cheater.

“For me naman, lahat ano, e, lahat naman entitled sa kanya-kanyang opinions. “Natapos ko naman kung anong dapat tapusin. So, we are moving forward. Naayos na.”

“God will provide”

Wala gilimod ni Ai Ai delas Alas nga pobre gyud sila sa una,hinungdan nga naningkamot gyud siya sa kinabuhi. Ug ang iyang gikuhaan og kusog sa iyang pagpanlimbasog nga mausab ang dagan sa iyang kinabuhi, mao gyud ang Ginoo.

Ug sa pagsugod sa pandemya sa nilabay nga tuig, gitug-an niya sa exclusive interview sa Philippine Entertainment Portal nga nalisang siya sanglit wala siya’y trabaho ug may mga responsibilidad siya nga angayan niyang barugan.

Hangtud nga nakamugna matud pa siya og ube pandesal nga gihangop sa publiko hinungdan nga nikita gihapon siya.

Sa maong interview, giklaro sa 56-year old Comedy Queen nga ang iyang bana ang nagbuhi niya, apan may mga galastuhan matud pa siya sa wala pa sila maminyo ug iya gihapon nga responsibilidad hangtud karon. Apan, nalampusan gyud niya ang tanan gumikan sa pagtuo niya sa pasalig sa Ginoo.

"Parang nakikinig talaga si Lord sa ating lahat. Parang sinasabi niya sa atin, di ba, 'Sabi ko sa 'yo may promises ako sa inyo. Tutuparin ko yun.'

"Eto seven promises Niya: 'I will be with you. I will protect you. I will be your strength. I will provide for you. I will give you peace. And I will always love you.'

"So lahat yun, panindinigan natin na totoo ang promises Niya sa atin."

Normal ra matud pa nga magduda gyud ka panahon sa kalisdanan.  "And ako, dati di ako naniniwala. Sinasabi ko lang sa sarili ko, 'Lord, I trust you.'

"Pero sa totoo lang, di ba, meron pa rin tayong agam-agam sa puso natin. Baka di Niya tayo naririnig.

"Pero totoo, God will provide and hindi Niya tayo pababayaan." Human sa The Clash Season 3, makita si Ai Ai isip usa sa mga stars sa GMA7 primetime series nga Owe My Love.

Dili tinuod

Gituldokan na sa kampo ni Bea Alonzo ang huhungihong nga gitakda na nga mopirma ang aktres og kontrata sa GMA7 isip labing bag-ong Kapuso Star. Suma pa sa manager ni Bea nga si Shirley Kuan, walay ingon niini nga negosasyon. Dili tinuod ang huhungihong ug walay planong mobalhin ang iyang talent. Tulo ka pelikula ang himuon sa aktres karong tuiga ug mao kini ka busyhan ni Bea.

Kapuso nagpasalamat sa Kapamilya

Nagpasalamat si GMA7 reporter Raffy Tima sa ABS-CBN news crew nga nakadungan niya og coverage niining bag-o lang. Kini kay gitanyagan siya nga mahimo niyang gamiton ang ilang mga suga para sa iyang gi shoot nga video. Ang mga netizen sab nga nakakita sa maong post ni Raffy, nalipay kay matud pa nila nindot palandungon nga adunay panaghiusa ug pagtinabangay taliwala niining pandemya nga giatubang sa nasud.

Scandal?

Kontrobersyal karon ang Miss Eco International Organization gumikan sa nanggawas nga istorya nga matud pa, daghang Covid positive sa staff ug officials sa maong pageant didto sa Egypt apan wala matud pa nipahibawo. Karon, may mga kandidata nga natakdan ug nagmahay kay matud pa daw gipasagdan sila sa organisasyon. Stranded matud pa sila didto karon sa Egypt ug sila maoy nigasto sa ilang kaugalingon. Kumpirmado nga nag Covid positive si Miss Thailand, ug ang iyang national organization ang niabaga sa gastuhan matud pa. May dili kumpirmado pa nga taho nga hasta sab ang first runner-up sa bag-o pa lang nahuman nga pageant nga si Miss Philippines nagpositibo sab.

Simang nga basher!

Wala palabya ni Markus Paterson ang usa ka basher nga nihingan niya'g tanga human siya nag-upload og hulagway nga nagkugos sa iyang anak ug giihian siya sa bata. Gi-post ni Markus ang screenshot sa comment sa maong basher ug nipadayag nga iya kining pangitaon puhon. Gikuninitan sa netizens ang maong basher ug ginganlan sab og tanga kay matud pa wala makasabot nga dili pa pwede tudluan ang bata nga nag-edad pa lamang og upat ka bulan.

Kinsa man gyud?

Lalaki ang gisabak ni Roxanne Barcelo. Ang gender reveal giluwatan sa aktres/singer pinaagi sa iyang latest vlog. Apan ang gipaabot gyud sa publiko mao nga i-reveal na ni Roxanne kinsa gyud iyang bana kay sukad sa ilang kasal sa nilabay nga tuig wala pa gyud niya kini ipaila.