‘I feel like I’m free’ – Nadine

MANILA, Philippines — Kahit na may kinakaharap na demanda, hindi mapigilan si Nadine Lustre na magsalita laban sa Viva Artist Agency (VAA), ang management na nagpasikat sa kanya hanggang sa naisipan nitong kumalas sa kanyang kontrata na tatakbo pa hanggang June 2029.

Tinawag diumano ng kampo ni Nadine na “oppressive and illegal” ang paghawak diumano ng VAA sa aktres.

Dagdag pa nila na ang VAA daw “has long taken advantage of young artists through its contracts.”

Sinampahan ng kaso ng Viva si Nadine noong December 2020 for “utter disregard” ng kanyang kontrata na exclusive pa up to 2029.

Sa isang interview ay nagsalita na si Nadine tungkol sa pagkalas niya sa management ng VAA.

Mula sa pagiging unknown starlet na member ng isang teen pop group, nagawang iangat ng Viva ang career ni Nadine hanggang sa maging household name ito. ‘Yun pala ay ‘di sang-ayon si Nadine sa pag-brand sa kanya.

“When you say independence, it really is freedom. Freedom to do what you want, say what you want without anyone really stopping you.

“Before, there were so many things that I couldn’t do. I was branded differently, you know, the usual artista where everyone has to look up to you like you’re a saint, which I’m not.

“As soon as I left the agency, I was able to say no to things that I didn’t want to do. I was able to say yes to things that they probably wouldn’t take me do, but I really wanted to do.

“I was able to dress the way that I want, I was able to put out things that are up to the quality that I want. Before, there were so many limitations.”

Inamin ni Nadine na mas mahirap daw ngayong magkaroon ng malaking project, lalo na’t wala na siyang agency para tulungan siya sa pag-close ng deal.

“I’m not going to say it’s easier. It’s definitely harder. The job is five times harder than before because you don’t have an agency to back you up. Now, it’s like, you want to do this? You have to do it by yourself. You have to fund it or find someone to partner with you, no one else is going to back you up financially this time. Mas mahirap siya. But it is worth it.

“I don’t look back anymore because I feel like I’m free, just expressing myself and showing everyone who I really am. And I believe it should have been like that from the very beginning.”

Kyline, nagka-sepanx  

Hindi raw malilimutan ni Kyline Alcantara ang pagganap niya bilang Maggie dela Cruz sa teleserye na Bilangin ang Bituin sa Langit na nagtapos na last March 26.

Sa Instagram, tinawag ni Kyline si Maggie as someone who “represented our generation.”

“Oh, Maggie! What a dream role you are. You are another check from my list. You represented our generation. Bakit? Dahil ang kuwento mo ay kuwento ng bawat anak at apo na umasa at nagdasal na mabuo ang pamilya kahit pa minsan ay nawawalan ng pag-asa. Natutunan ko sa’yo na minsan ay daig ng pagmamahal para sa pamilya ang ating sariling interes.”

Nagkaroon nga raw ng sepanx (separation anxiety) si Kyline noong matapos na ang lock-in taping nila. Sobra raw siyang naging close sa co-stars niyang sina Nora Aunor, Mylene Dizon, Zoren Legaspi, Ina Feleo, Candy Pangilinan, Isabel Rivas at Yasser Marta.

Single ni Taylor Swift, milyun-milyon agad ang views

Pagkatapos i-drop ni Taylor Swift ang unreleased single niya na You All Over Me featuring Maren Morris, nag-top agad ito sa streaming apps at nakakuha agad ng 3.2-million views ang lyric video nito on YouTube.

Galing ang naturang single sa 2008 album ni Taylor na Fearless.

Last month ay ni-release ni Taylor ang new version of her hit single Love Story na retitled Love Story (Taylor’s Version) - Elvira Remix.

Tweet ni Taylor: “In this house we dance and cry at the SAME TIME.”

Inaabangan na ng Swifties ang release date ng new Fearless (Taylor’s Version) at sa mga clue na nilalabas ni Taylor, nabuo nila ang words na April Ninth.