Pagtulun-an ni Pia

CEBU, Philippines — Walay lipod-lipod nga gipabuhagay ni 2015 Miss Universe Pia Wurtzbach ang iyang pagbati ug baruganan kabahin sa kasina, pagkumpara ug pagduda sa imong kaugalingong katakus ug abilidad.

Nahitabo kini sa vlog interview ni Bianca Gonzales niining bag-o lang, diin gibalikan ni Pia ang mga panahon nga napildi siya sa Binibining Pilipinas ug wala siya makuha para sa mga commercials nga iyang gitinguhang maangkon.

“Honestly, I’ve been through that also before. With the way I started in showbiz pa lang and in pageants. Siyempre hindi naman ako agad na umabot sa Miss Universe. Parang ang dami ko ring rejections nung nagco-commercial pa lang ako, nung naga-artista ako. Tapos natalo ako nang natalo sa [Binibining Pilipinas]. It’s not so much of ‘why her?’ It’s more of like, ‘why not me?’ ... It’s more of na, kine-question mo ‘yung ‘May kulang ba sa akin?’", nagkanayon siya.

Katulo niapil si Pia sa Binibining Pilipinas. Sa una niyang apil, second runner up siya. Pagsunod niyang apil, wala siyay nakuhang pwesto. Pag ikatulo niyang apil, rayna na siya.

Ayaw kasina

Suma pa ni Pia, inay masina sa uban, mas maayo nga pamalandungan unsay imong gipakita ngadto sa publiko o basin aduna lang gyuy kuwang nimo ug dili mao nga diskarte.

"Upset ka na siya may achievements tapos ikaw wala? I don’t think you should be mad at her. Maybe there’s something that needs to be worked on in yourself," niya pa. Sa mga panahon nga mutumaw ang kasina, iya kining isalikway pinaagi sa pagpahinumdom sa iyang kaugalingon nga dili pa niya panahon.

“The way I deal with it is I always tell myself that hindi pa kasi para sa akin or hindi kasi ‘yan ang para sa akin. May kulang pa. Marami pa akong bigas na kakainin. Marami pa akong kailangang pagdaanan.”

Kinahanglang sab matud pa nga nakaila gyud ka sa imong kaugalingon.

“I think having that self-awareness, na parang, saan ba nanggagaling ‘yung feeling mo ng inggit? Baka hindi ka naman talaga inggit. Baka ayaw mo lang aminin sa sarili mo na may kulang pa or hindi pa talaga para sa ‘yo or may kailangan ka pang i-improve.”

Rayna Gyud!

Si Anne Curtis maoy Twitter Queen sa Pilipinas. Kini human nikabat na og 14 million ang iyang followers sa Twitter ug naghimo niya nga most followed Filipino. Sa Instagram, siya sab ang nag-una sa listahan sa most followed Filipino celebrities. Sixteen million ang IG followers sa nahisgutang It’s Showtime host suma pa sa PUSH.

Dili madayon

Kanselado ang taping sa Ang Dalawang Ikaw sa GMA7 gumikan sa pagsaka sa Covid cases sa Metro Manila. Gumikan niini, dili mahinayon ang pilot airing unta niini karong umaabot nga Lunes, March 29, hinungdan nga ibalik og salida ang teleserye nga Ang Dalawang Misis Real aron maoy muhulip sa timeslot nga mabakante sa Pangarap Na Bituin. Sila si Dingdong Dantes, Lovi Poe ug Maricel Soriano ang mga bida sa Misis Real. Ang Dalawang Ikaw gibituonan nila ni Rita Daniela ug Ken Chan.

Condolence, Maja

Nabangotan karon si Maja Salvador gumikan sa pagpanaw sa iyang iyaan nga natakboyan og Covid 19. Igsuon sa iyang inahan ang mao niyang iyaan ug suod matud pa niya. Kini maoy nagtudlo niya aron hugtan ang pagsalig sa Ginoo, ug kanunay modala niya sa simbahan. Suma pa ni Maja, 20 ka tuig nga nagsagubang og nagkadaiyang sakit ang mao niyang iyaan, ug nalampusan niini ang tanan. Pero, napildi gyud sa Covid.

“Walang Forever”

Gimingaw matud pa siya sa iyang mga co-anchor kaniadto, apan walay forever. Kini maoy reaksyon ni Noli de Castro sa throwback photo nga gi-upload ni Korina Sanchez sa Instagram niadtong nilabay nga adlaw. Ang maong hulagway nagpakita nila ni De Castro, Sanchez ug Ted Failon samtang nag-anchor sa TV Patrol sa ABS-CBN.

Suma pa ni De Castro, makamingaw, ug wala gyud matud pay makapildi sa ilang teamwork, apan may katapusan ang tanan. Niuyon si Korina, apan niingon sab kini og, “malay mo?’ nga buot pasabot, walay nasayud basin mahiusa silang tulo sa umaabot. Si Korina ug Ted naa na karon sa TV5.

Mga bogo mo!

Gibawsan ni Pokwang ang bashers nga nanghinaway sa iyang nawong nga matud pa bati, chaka. Naglagot ang iyang bashers gumikan sa iyang political views nga dili pabor sa administrasyon.

Matud ni Pokwang, mga bogo ang iyang bashers kay wala sila makasabot nga ang iyang nawong maoy rason nga nahimo siyang artista hinungdan nga nakabaton og maanindot nga kinabuhi ang iyang pamilya, ingon man natabangan sab ang iyang mga empleyado sa negosyo.