Tak-om na lang

Daghang wala mauyoni si Gardo Versoza lakip na sa politikanhong hisgutanan sa nasud, apan nagdumili siya pagbutyag niini sa virtual mediacon sa iyang pelikulang “Biyernes Santos”, ang iyang unang project human siya nipirma og management contract sa Viva Artist Agency. Rason ni Gardo, “baka mailigpit ako.” Kabahin sa mga ispirito ang Biyernes Santos, ug niya pa, kun adunay mga ispirito nga buot niyang maistorya sila mao ang iyang inahan nga iyang gikamingawanan na og maayo, ug ang flight attendant nga si Christine Dacera kay iyang pangutan-on kinsa gyud ang naa sa pikas lawas. Curious matud pa siya.

Tuo lang gyud!

Hugyaw ang transformation vlog nga gi-upload ni Mariel Rodriguez niadtong March 17. Dinhi iyang gipakita ang iyang giagian aron moubos ang iyang timbang. Suma pa niya, dihang gihunong na niya og patutoy iyang anak, gisugdan na niya ang iyang diet program inabagan sa usa ka nutritionist ug todo exercise sab siya. Busa, gikan sa 197lbs niadtong December, naa na lamang sa 155lbs ang iyang timbang. Matud ni Mariel, kinahanglan lamang gyud nga aduna kay goal ug hunahunaon gyud nimo nga makaya nimo kining kab-oton aron magmalampuson.

WeTV

Makita na sa WeTV ug Iflix ang mga salida sa ABS-CBN sugod karong Lunes. Unang ipalugwa ang FPJ’s: Ang Probinsyano ug Init Sa Magdamag. Gumikan niini,mas daghan nang mga Pinoy ang makakita sa maong mga salida bisan haing suok sa kalibutan pa sila nahimutang