“Baby sister”

Magpabilin ka nga akong baby sister bisan inahan kana ngadto sa duha nimo ka mga anak. Kana maoy mensahe ni kanhi Miss Universe Pia Wurtzbach sa iyang manghod nga si Sarah nga nag-birthday niadtong Miyerkoles. Matud ni Pia, bisan og wala sila magkita pa ug bisan pa sa daghang mga nahitabo, ‘know that I'm always thinking about you and I love you very much. I love you unconditionally." Kahinumduman nga giaway ni Sarah si Pia ug ilang inahan pinaagi sa Instagram posts niini sa nilabay nga tuig kay matud pa walay suporta ngadto niya.

Ni-audition diay

Gibutyag ni Heart Evangelista nga ni-audition gyud diay siya para sa 2018 blockbuster movie Crazy Rich Asians. Kini maoy iyang gibutyag atol sa iyang paglugwa sa Youtube show ni Dr. Aivee Teo.  Ang character ni Araminta Lee, the billionaire hotel chain heiress ang iyang gitinguha nga maangkon. Naghire ra siya og production crew dinhi sa Pilipinas ug iyang gipadala sa Los Angeles ang iyang audition video. Gitawagan matud pa siya sa agent nga interesado kaayo ang production people niya, apan kinahanglan nga ipadala niya’g balik ang iyang video kay niungot kini pag-abot sa tunga-tunga. Wala na siya tawgi’g balik human niadto.

Plano mag-matrona!

Desidido na matud pa si Ellen Adarna nga magpabiling single ug ibubo ang tanan niyang atensyon ngadto sa iyang anak nga si Elias Modesto. “Ready na akong maging matrona, actually.” Kana maoy iyang giangkon sa interview sa celebrity photographer nga si Raymund Isaac nilang duha ni Derek niining bag-o lang. Hasta si Derek nibutyag nga ang rule gyud niya, duha ka tuig una ang palabyon una pa siya makigrelasyon pag-usab. Apan nausab ang tanan nilang mga plano, human nagsugat ang ilang mga dalan niadtong Enero.