Ivana naka-11M subscribers na!
CEBU, Philippines — Dili na gyud mabangbang ang vlogging career ni Ivana Alawi human niabot na og 11 million ang iyang subscribers sa YouTube.
Usa sa mga sikat niya nga vlog mao ang “A Day In My Life” . Duna pud siya’y mukbang sessions, ug pagmugna og prank ngadto sa iyang pamilya ug soud nga mga higala.
Tililing karong Marso 5
Bag-ong putahi sa screen ang idalit ni Direk Darryl Yap sa pelikulang Tililing sa Viva Films.
Kombinasyon kini sa mga artista gikan sa nagkalain-laing henerasyon.
Kini naglangkob nila ni Candy Pangilinan, Donnalyn Bartolome, Yumi Lacsamana, Gina Pareño, Baron Geisler ug Chad Kinis.
Dungan kini nga ipalugwa sa mga sinehan ug Vivamax karong Marso 5, 2021.
Si Direk Darryl maoy direktor kaniadto sa pelikulang Jowable, Sakristan, Paglaki Ko Gusto Ko Maging Porn Star ug uban pa.
Sharon ug Marco magpares sa pelikula
Human sa 19 ka tuig, molugwa og balik sa usa ka proyekto sa Viva Films ang Megastar nga si Sharon Cuneta pinaagi sa pelikulang Revirginized. Matud pa nga si Marco Gumabao ang leading man ni Sharon sa maong pelikula. Malakip usab niini sila si Cristina Gonzales, Rosanna Roces, ug Albert Martinez.
Sugdan na ang shooting niini karong semanaha.
Kaye mabdos
Malipayong gipahibalo ni Kaye Abad nga mabdos siya alang sa ikaduhang anak nila ni Paul Jake Castillo. Gianunsyo niya kini pinaagi sa iyang latest Instagram post.
Movie project
Usa ka tribute film alang kang Eddie Garcia ang umaabot nga proyekto ni Arjo Atayde. Sugdan kini karong tuiga.
Hugyw og career
Ang Filipino-American singer nga si Ylona Garcia maoy bag-ong talent sa American music collective nga 88Rising. Nagikan sa maong kompanya ang mga sikat nga singers nga sila s Joji, Keith Ape, Niki, ug Rich Brian.
Naanad ra
Gibutyag ni Angelica Panganiban nga wala ra maglisod og adjust sa iyang pagka-artista ang iyang non-showbiz boyfriend nga si Gregg Homan. Naanad nalang ang iyang uyab nga kung mag-date sila, dunay kallit nga modoul og magpa-picture.
Nakatabang ang Tiktok
Giangkon sa beteranang aktres nga si Gina Pareño nga dako gyud og tabang ang Tiktok aron dili siya maabtan og kalaay ilabi na sa pagsugod sa pandemya. “Nabaliw ako last year kasi hindi ako nakakaarte, so nag-TikTok ako,” suma pa niya.
Friends ra uy
Giklaro sa YouTuber nga si Mygz Molino nga soud lang sila nga maghigala ni Mahal. Nasayran nga gihatagan og malisya ang ilang ka- sweet.
- Latest