Good job!

CEBU, Philippines — Nipakpak ang netizens ug nalipay ang fans ni Megastar Sharon Cuneta human niya gi-upload ang iyang latest photo nga nagpakita og dakong kausaban sa iyang timbang. Wala gyud matud pa kini editing ug mao na ni karon ang lawas ni Sharon.

Baynte Kwatro na uy!

“Try kindness.” Ang mensahe ni Leila Alcasid ngadto sa bashers niya ug sa iyang uyab nga si indie artist nga si Curtis Smith. Wala nakauyon si Leila sa komentaryo nga usik matud pa siya kay bata pa pero laspag na. Suma pa sa anak nila ni Ogie Alcasid ug kanhi Miss Australia Michelle van Eimiren, 24 anyos na siya, ug buotan matud pa si Curtis nga ka-date na niya sulod sa duha ka mga tuig.

Road Trip

Sunod-sunod ang laag nila ni Derek Ramsay ug Ellen Adarna ug daw nagkasuod na gyud sila og maayo. Ang latest mao ang roadtrip sa duruha diin kuyog pa ang anak ni Ellen nga si Elias Modesto. Twinning pa sila si Ellen ug Derek nga managsamang gray ang color sa ilang top ug puros nag-shades.

Happy ra

Nananghid una si Luis Manzano kang Billy Crawford sa wala pa niya hingpit nga gidawat ang hosting job para sa mobalik na nga Your Face Sounds Familiar sugod ugma. Nitubag matud pa si Billy nga kun ang iyang gibiyaan nga trabaho sa ABS-CBN ihatag ngadto sa laing tawo, buot niya nga kang Luis kini mapunta, busa walay isyu niya ang paghulip sa nahisgutan kaniya human usab siya nibalhin sa TV5.

Take care

“Fellow diabetics, type 1 or 2, please never stop taking care of yourselves k? God bless you all. Thanks again everyone,’ mensahe ni Gary V. sa mga sama niyang diabetic human nitaas og maayo ang iyang sugar level niadtong Lunes diin nanawagan siya og pag-ampo. Naulian siya pagka sunod adlaw.

“Sobrang Saya”

Dili direkta ang tubag ni Gerald Anderson sa pangutana sa iyang higala nga si Joe Vargas kun “taken” ba ang actor karon.

Tubag ni Gerald: "Sobrang saya. Marami akong dahilan para maging masaya. Tingnan mo kung gaano ka-sparkling eyes ko.”

Ang panaghinabi sa duruha gipakita sa vlog ni Joe.  Barkada ang duruha sanglit managsama sila nga kanhi PBB housemates, si Gerald niadtong 2006 ug si Joe niadtong 2010.

Wala man tuod direkta nga nitubag si Gerald kun may uyab na ba siya karon taliwala sa pagduda nga sila na gyud ni Julia Barretto, apan nihisgot ang actor kabahin sa angayang buhaton kun naa sulod sa usa ka relasyon.

"Kailangan buo ka bago pumasok sa isang relasyon para hindi ka umaasa sa isang tao lang.

"Kailangan buo ka and buo yung partner mo, para pagnagsama kayong dalawa, [may] teamwork and understanding.

"Kung anuman insecurities niyo sa buhay, huwag niyo ipasa sa partner niyo. Kailangan you work through it together."

Prima Donna Book 2?

Una na nga nideklara si Aiko Melendez nga dili na siya modawat og kontrabida roles human sa Prima Donna sa GMA7, nga natapos na kagahapon sa afternoon block.

Apan post niya kagahapon sa buntag nga kun aduna man gani book 2 ang Prima Donna, dili siya mobalibad niini, ug magkontrabida siya pag-usab.

“Napakahirap maging kontrabida pero masarap sa pakiramdam, hindi maitatanggi na very seldom sa mga kontrabida na minamahal at lagi binabanggit Kendra!

“To all my fans club who just keep on tweeting and raving about Kendra and our show, thank you!

“Truly para sa inyo ang show na ‘to.

“As I always do whenever I end a show that I’m part of, I take a bow and offer it to the LORD.

“Not all can shine during a pandemic but the LORD never left us… Kendra Fajardo ‘Claveria’ wannabe is signing off… Pero wag din kayo pakakasiguro hahahaha!”

“Bag-ong Kinabuhi”

Daw nakabaton og bag-ong kinabuhi.

Kana maoy tubag ni John Lloyd Cruz ngadto kang MTRCB chairperson Rachel Arenas sa vlog interview niini para sa MTRCB Uncut Youtube Channel. Nangutana si Arenas kang Lloydie unsay kausaban sa kinabuhi sa actor sa paghiabot sa iyang anak nga si Elias Modesto.

“Siyempre ano, para kang nagkaroon ng bagong buhay.”

Suma pa ni Lloydie, naa lamang siya sa likod ni Elias aron mosuporta sa anak nila ni Ellen Adarna nga magtulo na ka tuig ang pangidaron karong umaabot nga Hunyo.

“Hindi ko alam kung big na yun para sa akin. I’m sure yung dreams niya will be so much bigger, ‘no.

“Pero para sa akin, magawa lang niya kung ano talaga, kumbaga, hangad ng damdamin niya or kung ano ang gusto niyang gawin.

“Kung gusto niya maging astronaut, kung gusto niya maging tambay, kung anong gusto niyang gawin... kumbaga, susuporta lang ako.”

Balik showbiz na si Lloydie pinaagi sa pelikula ni Lav Diaz nga nag-ulohan og Servando Magdamag.

Gitakda na sab nga sugdan nila ni Bea Alonzo ang ilang reunion movie ubos sa Star Cinema.