Hyun Bin at Son Ye-Jin, may pa-valentine sa pinoy fans

Ang real couple na sina Hyun Bin and Son Ye-jin ang Valentine pasabog ng Smart telecommunications kahapon.

Yup, magkasama ang dalawang sikat na Korean star sa bagong commercial ng Smart 5G. Ito ang unang endorsement nila together after ng Crash Landing On You at umaming officially on na sila.

Kaya naman super trending kahapon ang #SmartMadeBinJinInevitable.

Naudlot.....

Ngayong araw na sana ang partial reopening ng cinemas sa Metro Manila, pero sadly, malabo ngang mangyari dahil maraming hindi pabor kabilang na ang mga doctor.

Kulob ang mga sinehan kaya malaki ang chance na magkahawaan talaga. Bukod sa inaasahang pagkalugi na rin ng mga sinehan kasi kung 50% lang din naman ang capacity, hindi naman sila puwedeng magtaas ng singil.

Saka ‘yun nga, ‘di mo naman alam kung dadayuhin din ng mga manonood ang sinehan at this point in time na hindi lang basta takot sa virus, kundi ang daming choices, ang daming platform.

Sa Auckland, New Zealand nga tatlo lang ang new local cases, lockdown na agad. Samantalang kahapon sa report ng DOH, 1,928 ang new cases and 25,918 ang active cases sa bansa, pero gustong magbukas ng mga sinehan at arcades.