MOR Entertainment

CEBU, Philippines — Pormal na nga mobalik ang My Only Radio karong adlawa, February 14, ug pagatawgon na kini og MOR Entertainment diin mohatud na sila og digital content sa nagkadaiyang platforms sama sa  Facebook, Kumu, Spotify podcasts, ug YouTube. Lakip sa mga DJs nga subling makita mao sila si Chico, Chinaheart, Kisses, Nicki Morena, Onse, ug Popoy sa Manila. Naa sab sila si Ateng Jeri B, Erick D, Bong Bastic, ug Tito Son sa Luzon; Daddy Sarge, Jacky G, Macky Kho, ug Master James Spider sa Visayas; ug Betina Briones, David Bang, Kokoy, ug Mary Jay sa Mindanao.

Engaged na diay

Niadtong December 12, 2020 pa diay engaged sila si Sophie Albert ug Vin Abrenica ug pormal nila kining gipahibawo pinaagi sa Instagram kagahapon. Ang maong pahibalo giluwatan nila unom ka mga adlaw human nila gipahibawo sab nga hapit na sila mopuyo sa ilang bag-ong balay. Walo ka tuig ang relasyon nila ni Sophie ug Vin nga nagsugod dihang managsama sila nga nahimong contestants ug nidaog sa Artista Academy, ang reality-artista search sa TV5 niadtong 2012.

Mabdos ang “It” Girls

Dungan sa pagsaulog sa iyang 35th birthday adtong Biyernes, hingpit na nga gipahibawo ni Georgina Wilson nga mabdos siya sa ikatulo nilang anak sa iyang bana nga si Arthur Burnand. Ang unang duha nila ka mga anak, puros mga lalaki nga sila si Archie ug Alfie. Gitakda nga manganak si Gerogina unom ka mga semana gikan karon. Si Georgina ang ikatulo nga mabdos sa ilang grupo. Ang iyang ig-agaw nga si Isabelle Daza ug higala nga si Liz Uy, managsama nga nagsabak sa ilang ikaduha nga mga anak. Kahinumduman nga ang lain pa nilang duha ka mga barkada nga sila si Anne Curtis ug Solenn Heussaff dungan sab nga nagsabak.

Lig-ona gud

Mulungtad pa og duha ka mga tuig ang pagtukod sa “forever home” ni Megastar Sharon Cuneta kansang construction nagsugod niadtong August 2020. Apan niya pa sa iyang post, bahala’g dugay basta kay pulido gyud ang pagkahimo. Gibida niya nga ang umaabot niyang balay makasugakod og linog nga may gikusgon nga intensity 9-10.

Pagkabulahan!

Nag-awas sa kalipay ug pasalamat ang kasingkasing ni Marin Rivera nga bisan pa man taliwala niining pandemya, aduna siya 20 ka active commercial endorsements. Dungan niini, padayon sab ang mga kompaniya sa pagkuha sa ilang pamilya isip endorsers. Ang iyang anak nga si Sixto nakapamugna na og usa ka commercial ug may duha pa nga umaabot. Si Zia sab nakauban niya sa iyang latest commercial para sa usa ka dako nga tindahan. Suma pa ni Marian, gipangutana gyud niya si Zia og interesado ba kini sa mao nilang commercial ug positibo kaayo ang reaksyon niini. Niya pa, hatagan niya og kagawasan iyang mga anak nga mohukom aron dili sila ma-pressure. 

Personal nga nananghid

Bisan og wala nay kontrata sa ABS-CBN ug dili na siya sakop sa Star Magic, personal gyud nga nananghid si Bea Alonzo ngadto kang ABS-CBN president Karlo Katigbak nga mohimo siya og pelikula kauban si Alden Richards.

Sa labing unang higayon, dili ang Star Cinema maoy producer sa maong pelikula ni Bea kundili ang Viva Films, GMA Films ug APT Entertainment.

Saysay ni Bea ngadto sa exclusive interview sa PEP, niadto gyud siya sa balay ni Katigbak kauban si John Lloyd Cruz ug personal nila nga gipahibawo ang TV boss nga gidawat nila ang tanyag niini nga reunion movie para nilang duha.

Sa maong pagbisita sab nananghid si Bea kang Katigbak kabahin sa pelikula nila ni Alden.  “Gusto kong hingin iyong blessing niya and naging ano naman sila, mabait.”

“Even before we said yes to doing a project with Alden, nagkaroon kami ng courtesy to tell them first before we even agree.”

Matud ni Bea, dili siya buot nga malain niya ang ABS-CBN nga maoy iyang pinuy-anan sulod sa duha ka mga dekada.

“I don’t like stepping on people’s toes, gusto ko laging maayos lalo na kung parang sobrang tagal nila akong inalagaan.

Si Shirley Kuan na ang manager karon ni Bea ug aduna siya'y tulo ka mga pelikula nga himuon karong tuiga. Mahimo na sab siya nga mohimo og proyekto sa bisan asa nga TV network.

“Think of the people around you”

Wala pa gihapon magpatuyang og gawas si Jed Madela taliwala niining pandemya karon. Pero niya pa, dili sab maayo nga muhunong na sa mga gimbuhaton.

“Hindi naman kami pumupunta ng mall or kung saan saan para tumambay. Kung kailangan mong pumunta dun, mag-pullout or something. Pero it’s okay na maging OA or maging praning kasi you’re doing it for everybody’s safety din. Mas okay na din yun kesa maging pabaya di ba? We still have to live our lives. Kumbaga hindi puwedeng just because na nasa pandemya tayo ititigil na natin lahat, hindi naman puwedeng ganun. Keep going on as long as you do the protocols, you do the safety measures, and be aware and not just think of yourself. Think of the people around you,” nagkanayon siya atol sa presscon para sa ilang Hearts on Fire free Valentine concert ni Juris sa Youtube kagabii. Matud ni Jed, wala sab siyay plano sa Valentine’s karong adlawa sanglit naanad siya nga puros siya trabaho kaniadtong normal pa ang tanan.

“Hindi ako nag-date, hindi ako nakalabas talaga ng Valentine’s kasi it’s all work so yun siguro yun yung naging effect, naging normal na work day for me. Walang plans eh kasi ako sobrang praning ko talaga lumabas. I think I’ll just stay home and probably prepare something here at home and do some virtual get-together with my loved ones together, whoever is available on that day. Ang corny ko di ba? (nagkatawa) So yun lang siguro, virtual dinner lang siguro dito sa bahay. Yun lang yung plans ko.”