Kris nadisgrasya ang paa sa Rose Quartz at Tibetan singing bowl

Sugatan ang paa ni Kris Aquino na ipinakita niya kahapon.

Sa IG post ni Kris kahapon ng kanyang pagpapa-blood test, nabanggit niyang nakita niyang duguan ang paa niya matapos siyang mag-bath tub na may mga uncut rose quarts na meron palang healing properties at Tibetan singing bowls.

“Do not swipe to the last picture if you are squeamish about blood- i think this was Sunday, i soaked in the tub, put my diluted essential oils, and pasensya na kung weird- nag obey, nag lagay ng malaking uncut rose quartz BECAUSE it’s supposed to help the skin heal (apart from losing my voice, i had an urticaria flare)... dagdagan na natin ang masamang dulot ng too much googling, my nurse was also playing the Tibetan singing bowl para daw mawala ang lahat ng negativity so i’ll “heal” faster.

“So i got out after 15 minutes, nag shampoo, used a mild shower foaming cleanser, then got out to dry myself- oh my, my left foot was covered in blood.

“i swear, i didn’t feel kung nagasgas or tumama sa rose quartz, i also didn’t notice anything was wrong when i was in the shower. We showed my doctor & i missed daw the vein by less than 1/2 an inch or else nasa ER na ko. This pic was already after nalinis yung cuts with CUTASEPT but before the FUCIDIN.

“Moral of the story- awat na muna sa rose quartz & tigilan ko na muna yung mga Tibetan singing bowls... Start na ng Year of the Ox- here’s to a healthier year for all of us.”

Bukas ang 50th birthday ni Kris at wishing ang followers niya na makakatulong ang pagtira nila sa beach front para mas lumakas pa ang katawan niya.

Mga sinehan, puwede na uli!

Makakapag-operate na partially ang mga cinema sa Metro Manila.

Finally, after almost a year na sarado ito dahil sa pandemya, puwede na uling manood sa mga sinehan.

Kasama ang cinemas sa iba pang industries na magre-reopen na sa ilalim ng General Community Quarantine para diumano’y makatulong para maka-recover ang ekonomiya ng bansa.

Pinayagan na ring mag-ope­rate sa ilalim ng GCQ ang libra­ries, archives, museum, cultural centers, gaming arcades, theme parks, historical landmarks at natural sites.

Kasama rin dito ang ibang establishments na accredited ng Department of Tourism, puwede na ang social events, conferences and exhibitions.

Hindi naka-particular kung puwedeng mag-operate ang mga concert venue and comedy bars.

Siguradong maraming matutuwang mga producer sa desisyong ito ng Inter-Agency Task Force on Emerging Infectious Diseases (IATF) pero handa na rin kaya ang mga taong manood ng movie sa traditional cinemas?

Mabilis na naka-adjust ang marami sa panonood sa streaming platforms nang magkaroon ng lockdown dahil bago pa ang lockdown ay iilang local films na rin talaga ang pinipilihan sa mga sinehan.

Maging ang mga simbahan ay magluluwag na rin.

Pero may mga kontra sa desisyong ito ng IATF lalo na nga hindi naman daw bumababa ang positive cases araw-araw.