Regine Velasquez COVID-19 'close contact,' concert ipinagpaliban
MANILA, Philippines — Postponed muna ang paparating na digital concert ni "Asia's songbird" Regine Velasquez matapos mapag-alamang nakasalamuha siya ng isang coronavirus disease (COVID-19) patient kamakailan lang.
Ibinahagi ito ng Kapamilya Network apat na araw bago ang "Freedom: Region Velasquez-Alcasid Digital Concert," na mangyayari sana sa Valentine's day.
Basahin: What you need to know: 'Freedom: The Regine Velasquez Valentine Digital Concert'
May kinalaman: Concert ni Regine minurahan lang ang ticket
"Regine was recently exposed to someone who tested positive for COVID-19 and she is now in quarantine," ayon sa pahayag ng ABS-CBN Integrated Corporate Communications, Miyerkules.
"We apologize for any inconvenience that this may have caused... The health and safety of our artist and staff is our priority and we are tahnkful for your support and understanding."
Regine Velasquez-Alcasid's "Freedom" concert has been postponed. pic.twitter.com/Klc08QPKIM
— Kane Errol Choa (@kanechoa) February 10, 2021
Aniya, kikilalanin pa rin lahat ng mga ticket na nabili ng fans. Sasabihin na lang daw ng management kung kailan ang bagong "Freedom" concert schedule.
Pagtitiyak naman ni Regine, 'wag mag-alala ang publiko lalo na't okay naman daw siya at ang kanyang pamilya.
"Ok ako at ang family ko so don’t worry. We will announce the concert date as soon as possible. Thank you so much for your understanding," sabi ng mang-aawit.
Yes we are postponing the #freedom concert because I was exposed to someone who tested positive. Ok ako at ang family ko so don’t worry. We will announce the concert date as soon as possible. Thank you so much for your understanding ???????? pic.twitter.com/lJdUtFRKSO
— regine alcasid (@reginevalcasid) February 10, 2021
Wala pa namang pahayag ang singer-actor niyang asawa na si Ogie Alcasid kung naka-quarantine din siya sa ngayon.
Sa huling ulat ng Department of Health (DOH) noong Martes, umabot na sa 540,227 ang tinatamaan ng COVID-19. Sa bilang na 'yan, patay na ang 11,296. — James Relativo
- Latest
