Marian tinawanan ang isyung nakabuntis si Dingdong

Tinawanan lang ni Marian Rivera ang chismis kay Dingdong Dantes na may nabuntis itong starlet.

Nag-react si Marian tungkol dito kahapon sa virtual media conference ng Waltermart kung saan ipinakita for the first time sa entertainment media ang TVC ni Marian with Zia sa nasabing leading supermarket kasabay ng second year contract renewal niya rito. “Sabi niya sa akin, ‘uy nakita mo ba ‘yung chismis tungkol sa akin.’ Oo nakakatawa. Tapos sabi niya ‘nakakatawa.’ Sabi ko, tawang-tawa talaga ako. Niloko ko nga siya, ang daming pabuntis-buntis ha, beke naman, ako na ang susunod diyan,” natatawang kuwento ni Yanyan.

Weeks ago lang nang ikonek nga si Dingdong sa pangalan ng Kapuso star na si Lindsay de Vera na pinatul-patulan naman ng nasabing baguhang artista.

Anyway, ang ganda ng TVC ng mag-inang Marian at Zia para sa Waltermart na sa bahay lang nila shinooting.

At aminado ang Kapuso queen na madali niyang napa-oo si Zia na gawin ito.

From the start ay mother and daughter ang concept ng TVC at walang ibang naisip ang grupo ng supermarket na ini-endorse ni Marian kundi Zia. “Saka ‘di rin naman ako papayag na iba ang gaganap na anak ako,”  sabi niya.

Anyway, nang matanong si Marian kung handa silang magpa-vaccine, ayon kay Yanyan, kailangan munang pag-isipan ang bagay na ‘yun. Pinag-uusapan naman daw nila ni Dingdong, pero ‘yun nga kailangang pag-isipan dahil “nakakatakot ‘di ba.”

Samantala, confirmed na hindi pa nabubuo ang baby number 3 nila ni Dingdong dahil meron pa raw silang mga kailangang gawin.