Charlie, pressured sa viral
Magbibida sina Dimples Romana, Jake Cuenca at Charlie Dizon sa teleseryeng Viral ng Kapamilya Channel. Ayon kay Dimples ay talagang napapanahon ang kwento ng bago nilang proyekto. May kaugnayan ito sa pagkalat ng mga video scandal sa lipunan natin ngayon. “Viral is a very complex, very relevant project that we are all about to begin with. I’m very happy to start a project like this and with the rest of the cast. Maraming-marami tayong matututunan,” bungad ni Dimples.
Bilang paghahanda naman sa kanyang karakter ay nagbasa-basa si Jake ng mga aklat na tungkol sa pulitika nitong mga nakaraang buwan. Sa Marso nakatakdang simulan ang lock-in taping para sa naturang serye. “I’ve been studying a bit of politics these past few months,” kuwento ni Jake.
Samantala, matatandaang nasungkit ni Charlie ang Best Actress Award para sa pelikulang Fan Girl sa nakaraang Metro Manila Film Festival 2020. Nakararamdam na umano ng pressure ang dalaga ngayon pa lamang para sa pagbibidahang teleserye. “Nandoon po ‘yung pressure pero siyempre napag-usapan na rin po namin ‘yon, na magtutulungan po kami. More on excited,” pagtatapat ni Charlie.
Kabilang din sa Viral sina Karina Bautista, Aljon Mendoza, Louise Abuel, Vance Larena, Markus Paterson, Kaila Estrada, Ria Atayde at Jameson Blake.
Diego, gustong magkaroon ng sikat na kanta
Madalas nang napapanood sa telebisyon ngayon ang lalaking anak nina Lotlot de Leon at Ramon Christopher na si Diego Gutierrez. Aminado ang binata na hindi niya kailan man pinangarap na sumabak din sa show business katulad ng kanyang mga magulang at iba pang kamag-anak. “I only got into it recently. Ang dream ko talaga is maging basketball player before. Until now nagba-basketball pa rin ako pero recently nagka-opportunity to enter showbiz. My parents said why don’t I try it so ayun, nandito na ako ngayon,” kwento ni Diego.
Hanggang maaari ay gusto ring makagawa ng sariling marka sa industriya ni Diego. “I just really try to do my best every time. Siyempre gusto ko ma-live up ‘yung expectations ng mga tao pero I try not to think about that na. I just want to be good on my own. I want to work for it also and hopefully achieve what my family achieved na rin,” giit niya.
Madalas na kumakanta si Diego sa ASAP Natin ‘To at ngayon ay nangangarap ding magkaroon ng sariling mga kantang sisikat balang araw. “I am into music. I got it from my dad, he sings well. My mom also sings well but mostly, it’s really from my lola, si Mamita Pilita (Corrales). One of my biggest dreams as a musician, as a performer. ‘Yung tipong kapag nagpe-perform na ako in front of a lot of audiences, sila na ‘yung kumakanta ng mga kanta ko. Kapag nai-imagine ko ‘yon, wow! Oh my gosh! That’s my ultimate goals,” pagbabahagi ng binata. Reports from JCC
- Latest
