It's a baby boy

CEBU, Philippines — Gihimugso ni Andi Eigenmann ang ikaduhang anak nila sa iyang partner nga si Philmar Alipayo. Lalaki ang bata ug didto sa usa ka pribadong tambalan sa Manila niya gipanganak niadtong Sabado. Wala pa nila ibutyag unsay ngalan sa bata nga matud pa sa lola niini nga si Jacklyn Jose, gwapo.

Marso mahuman

Niadto pang December nahuman ang lock-in taping sa teleserye nga Walang Hanggang Paalam nga gibituonan nila ni Angelica Panganiban, Zanjoe Marudo ug Paulo Avelino. Apan hangtud sa Marso pa ang pagsalida niini sa nagkadaiyang platforms sa Kapamilya Network.

Thank you...

Nagpasalamat si Maja Salvador sa tanang nisuporta sa Sunday Noontime Live nga natapos na niadtong Domingo sa TV5. Mapasalamaton sab siya sa Brightlight Productions ug kang Mr. M kay matud pa niya nakahatag og trabaho ang maong variety show ngadto sa mga nawad-an og trabaho pagkawagtang sa franchise sa ABS-CBN. Gipaabot pa kun mobalik naba si Maja sa Kapamilya Network sama nila ni Donny Pangilinan ug Dimples Romana.

Weekly content

Ang sexy comedy movie Paglaki Ko Gusto Ko Maging Pornstar ang unang offering sa Vivamax karong January 21. Ang Vivamax ang kaugalingong live streaming app sa Viva Entertainment nga matud pa duha ka tuig na nga giplanong ilusad ug karon na nila ipalugwa gumikan sa pandemya. Giingong P1 billion ang budget sa Viva para niini aron masiguro nga bag-o ang content nga ilang ipagawas kada semana.

Partnership  deal

Giingong hapit na matud pa mahimong pinal ang partnership sa Cignal-TV5 ug ABS-CBN. Suma pa sa tsika ni Ricky Lo sa Philippine Star kagahapon, karong semanaha posibling ipahibawo pinaagi sa usa ka presscon ang mahitungod sa maong partnership. Kun mahitabo kini, isalida na sa TV5 ang mga shows sa ABS-CBN.

“Tapos na (maputokan)!

Alegre ug nalingaw ang netizens sa tinubagay ni Alex Gonzaga ug sa fake Mommy Pinty twitter account human gipahibawo sa nahauna nga gikasal na sila ni Mike Morada niadto pang November 2020.

Mommy Pinty: Congrats to my bunso! Pwede na maputokan

Alex: Anong pwede na? Tapos na!

Mommy Pinty: Ahh kaya pala pag linis ko ng kwarto amoy zonrox? Best wishes nlng sa inyo

Mugna ni Liza

Gipasalamatan ni Janella Salvador pinaagi sa usa ka special post sa Instagram kagahapon si Liza Soberano gumikan kay nagmugna diay kini og surprise baby shower para niya pipila ka adlaw sa wala pa siya nilarga paingon sa UK ug gihimugso ang anak nila ni Markus Patterson. Saysay ni Janella, nag-maternity photo shoot siya ug pagkahuman giingnan sa iyang team nga kinahanglan niya nga mag-ootd shoot sa pikas lawas. Pagsulod niya, didto ang iyang mga suod nga higala nga gipangulohan ni Liza.

37 hours travel

Gipaambit ni Jodi Sta. Maria sa iyang latest vlog ang pagtravel nila sa iyang anak nga si Thirdy didto sa Tazmania sa East Africa sa nilabay nga bulan aron saulogon ang Pasko ug birthday sa nauwahi. Gipakita niya ang requirements sama sa pagpa swab nila sa Philippine Red Cross aron mahatagan sila og certification nga wala silay corona virus. Nikabat og 37 ka oras ang pagbyahe nila ni Jodi paingon sa ilang destinasyon nga gilangkuban og lima ka connecting flights. Suma pa niya kun mahuman na ang ilang toprating teleserye nga Ang Sa Iyo Ay Akin, sa nagkadaiyang tourist spots na sab sila mobyahe.

Sila na lang…

May sinabutanan matud pa sila si Marco Gumabao ug Ria Atayde nga kun dili pa sila mangaminyo sa edad nga 35, sila maoy magpakasal. Suod nga managhigala ang duruha busa magkomedyahay ra sila. Lakip sa ilang mga barkada sab ang Kathniel, si Gabbi Garcia ug Khalil Ramos.

Mag-piloto

Pangandoy gyud diay ni Arci Munoz ang mamahimong piloto, ug usa matud pa kini sa rason nganong nisulod siya sa Philippine Air Force ug nipailawom og higpit nga training sa nilabay nga tuig aron mamahimong reservist.  Karong Marso magsugod na ang iyang pagtungha sa usa ka flying school. Ang laing rason ni Arci sa iyang pagsulod isip reservist mao ang makahimo og serbisyo publiko, dungan sa pagdasig sa kababayn-an nga kun mahimo sa mga lalaking sundalo, mamahimo sab sa mga babay.

Mga target ni Janine!

Gawas kang Paulo Avelino, sila si Angel Locsin, Angelica Panganiban ug Jericho Rosales ang buot makatrabaho ni Janine Gutierrez karon nga anaa na siya sa Kapamilya Network.

Una na nga gipahibawo ni Paulo sa usa presscon nga si Janine ang “newest kapamilya” nga pares niya sa pelikula nga Ngayon Kaya.

"Nagulat ako sa pa-announcement ni Pau.

"But at the same time, I'm really excited also to work with him here kasi nakagawa kami ng movie together ngayon, which is coming out sometime this year.

"Excited ako na siya pa yung nag-anunsiyo."

Usa ka dekada nga kapuso si Janine ug paghuman sa iyang kontrata niadtong Nobyembre nakig negosasyon ang iyang kampo sa Kapamilya Network human nga wala na siya i-renew sa GMA7.

"Super excited akong maging Kapamilya.

"I'm so excited to work with the Kapamilya actors, directors, and I'm really looking forward to this new year and I'm in a new home so sobrang grateful ko sa ABS-CBN.”

Best actress si Janine sa Famas ug Gawad Uria sa nilabay nga tuig pinaagi sa pelikula nga Babae At Baril.