“Hello Kapamilya”
Usa ka teleserye, usa ka pelikula, ug pagsulod sa ASAP isip bag-ong member ang mga projects ni Janine Gutierrez human siya nipirma og kontrata sa Kapamilya Network niadtong Biyernes.
Suma pa nga ang Dreamscape Entertainment ang mogama sa iyang umaabot nga teleserye, ug sa Star Cinema siya mohimo og pelikula.
Napulo ka tuig nga Kapuso si Janine, ug siya ang labing unang artista nga nitabok paingon sa Kapamilya Network human gibasura ang franchise renewal sa ABS-CBN.
Niadtong Biyernes sa hapon, nitambong sa contract signing ni Janine ang mga kadagkuan sa network sama nila ni Dreamscape Entertainment head Roldeo Endrinal, ABS-CBN bosses Carlo Katigbak, Cory Vidanes, Mark Lopez, Ric Tan, kauban sab ang manager sa aktres nga si Leo Dominguez.
Ang Best Actress sa Gawad Urian sa nilabay nga tuig alang sa pelikula nga Babae At Baril, kamaguwangang anak nila ni Ramon Christopher Gutierrez ug Lotlot de Leon. Apo siya nila ni Pilita Corrales ug Eddie Gutierrez.
- Latest