Dream leading man

CEBU, Philippines — Dream leading man ni Metro Manila Film Festival best actress Charlie Dizon si Richard Gutierrez. Panghinaot niya nga magkauban sila sa us aka TV or movie project. Si Charlie nidaog isip best actress sa nilabay nga bulan pinaagi sa pelikula nga Fan Girl. Gipildi niya sila si Sylvia Sanchez, Iza Calzado ug Nora Aunor.

Wala damha

“I’m really happy to have found both love & friendship with this one... Thank you for making me happy and feel loved.” Mao kanay post ni Barbie Imperial sa iyang Instagram account sa nilabay nga adlaw para sa iyang ka relasyon nga si Diego Loyzaga. Suma pa ni Barbie nga wala siya nagdahom nga magkauyab sila ni Diego kay nagtuo siya nga kutob lamang sila sa panaghigala. Si Diego mismo ang nipahibawo sa ilang relasyon ni Barbie niadtong January 1.

Buotan gyud

Tulo ka bulan nga nag-istar si Lani Misalucha ug ang iyang bana sa balay ni Willie Revillame sa panahon sa lockdown gumikan sa Covid 19. Gihulagway ni Lani nga labihan ka buotan ug ka mapinaggaon ni Willie. Si Lani bag-ohay lamang nakabalik og kanta human siya ug ang iyang bana nalandig sa ICU niadtong October gumikan sa bacterial meningitis nga nisampot sa pagka bungol sa iyang tuo nga dunggan. 

Apil sa PBB

Si San Juan City Mayor Francis Zamora mismo ang nipahibawo pinaagi sa iyang facebook niadtong Domingo sa gabii nga musulod sa PBB house ang iyang 19-year old daughter nga si Amanda puhon. Mao matud pa kini ang rason nganong wala nakakuyog ang iyang anak sa ilang family getaway sa Palawan. Malipayon matud pa siya sa iyang anak sanglit pangandoy gyud kini ni Amanda. Model ug liwat og dagway sa iyang papa si Amanda.

Happy birthday, Catriona!

Gikilig Si kanhi Miss Universe Catriona Gray sa birthday greeting sa iyang uyab nga si Sam Milby niadtong Domingo sa recorded episode sa Sunday Nootime Live sa TV5. Ugma pa gyud ang 27th birthday ni Catriona nga apan gisaulog na nila kining daan, diin iyang gibutyag nga gumikan sa Covid 19 mas ni-mature matud pa siya sanglit daghan siya’g mga nakat-onan ug naamgohan.

Gikanta ni Catriona atol sa iyang birthday segment ang “Scars To Your Beautiful” sa Canadian singer nga si Alessia Cara. Suma pa niya haom niya ang maong kanta sanglit susama ra gihapon siya sa kasagaran nga adunay mga pangandoy, pagduhaduha ug insecurities. Walay make-up si Catriona atol sa iyang pagkanta.

Promdi Fashionista

“Teleserye with a lot of Chanel.” Kana maoy paghulagway ni Heart Evangelista sa iyang umaabot nga project sa GMA7 nga mag-ulohan og “ I Left My Heart in Sorsogon.” Nagpanikad na si Heart nga ipakita ang kanindot sa gihigugma niyang lalawigan nga mao ang Sorsogon diin gobernador ang iyang bana nga si Chiz Escudero.

Mo flop

Negatibo ang reaction sa netizens sa nikatap nga mga hulagway ni Ogie Alcasid diin lain-lain ang iyang dagway nga binabay para sa iyang umaabot nga project. Suma pa sa netizens dili kataw-anan si Ogie ug ang iyang pagabuhaton hagbay rang gihimo ug gipasikat sa iyang kanhi GMA7 show nga Bubble Gang.

Ilabay ang mga nega

“Let go of all things and people negative and toxic.” Kini maoy sumbanan ni Megastar Sharon Cuneta karong 2021.  Gipadayag ni Sharon nga sa nilabay nga tuig, napasikatan siya sa iyang mga higala ug mga tawo nga duol sa iyang kasingkasing, may mga higala sab nga nibiya apan dunay mga bag-ong niabot. Kaong tuiga iya matud pa nga ampingan ang mga loyal ngadto niya.

“Forgiveness is a gift”

“I hugged the boy after the show and he kept apologizing. Forgiveness is a gift everyone deserves. #sundayrealization2021,” ang post ni Toni Gonzaga human sa second eviction night sa PBB Connect diin ang housemate nga si Russu Laurente ang napalayas. Gitabangan og saway si Laurente online human niangkon nga usa siya sa mga nag-yes to ABS-CBN Shutdown sa nilabay nga tuig. Apan nakaamgo na matud pa siya sa iyang gibuhat ug nagpunay og pangayo og pasaylo sa mao niyang nabuhat.

BBE Toni

Apan may mga netizen nga wala kauyon sa maong mensahe ni Toni kay nila pa nagklaro lang gyud ang TV host sa iyang pagka DDS. Gumikan niini, trending sa Twitter ang #BBE Toni, nga us aka panawagan aron palagputon ang nahisgutan isip host sa PBB. Suma pa nila, dili mahimong gamiton ang edad ni Russu Laurente isip rason sanglit dili na minor ang 19. May mga nipasangil sab nga dali kaayong naka post si Toni og depensa kang Russu, apan niadtong gipasira ang ABS-CBN, hilom ang maong host.