Iskul Bukol mapapanood uli sa GMA
Ngayong Linggo, mas magiging makulay at masaya ang inyong weekend sa mga nakakaantig at nakakaaliw na pelikulang handog ng GMA Network.
Mapapanood sa Kapuso Movie Festival ang animated film na Dr. Dolittle 3. Ipinadala si Maya Dolittle ng kanyang ina sa isang dude ranch na tinatawag na Durango. Habang naroroon, gagamitin ni Maya ang kanyang kakayahang makipag-usap sa mga hayop upang protektahan ang Durango sa mga nais sakupin ito.
Isang hapon naman ng katatawanan ang hatid nina Tito Sotto, Vic Sotto, at Joey de Leon sa Iskul Bukol: 20 Years After sa GMA Blockbusters. Muling nakasama ng Escalera brothers ang kanilang kaibigang archaeologist na si Vic Ungasis sa paghahanap ng mahiwagang peseta na sinasabing panangga sa kamatayan.
Samantala, matutunghayan sa Telesine Presents: Sa Pagdating ng Bagong Umaga ang kuwento ng tatlong magkakapatid na nagkawatak-watak ngunit muling nagsama-sama upang bisitahin ang kanilang inang maysakit.
- Latest
